मैथिल आर मिथिला

रूबाइ

2012-02-21T19:15:00.002+05:30

कोना कऽ रंगलक करेज केँ इ रंगरेज, रंग छूटै नै।
नैन पियासल छोडि गेल, मुदा आस मिलनक टूटै नै।
हमरा छोडि तडपैत पिया अपने जा बसला मोरंग,
बूझथि विरहक नै मोल, भाग्य इ ककरो एना फूटै नै।

गीत

2012-02-20T17:37:00.000+05:30

शिवरात्रिक अवसर पर एकटा प्रस्तुति-

गौरी रहि-रहि देखथि बाट, कखन एता भोलेनाथ।

आंगन मे मैना कानि रहल छथि,
मुनि नारद केँ कोसि रहल छथि।
ताकि अनलाह केहन बर बौराह,
गौराक जिनगी भेल आब तबाह।
मैना पीटै छथि अपन माथ, कखन एता....................

भूत-बेतालक लागल अछि मेला,
प्रेत पिशाचक अछि ठेलम ठेला।
पूडी पकवान कियो नै तकै छै,
सब भाँग धथूरक खोज करै छै।
कियो नंगटे, कियो ओढने टाट, कखन एता...................

कोना कऽ गौरी अपन सासुर बसतीह,
विषधर साँप सँ कोना कऽ बचतीह।
पिताक घरक छलीह जे बनल रानी,
कोना लगेतीह आब ओ बडदक सानी।
आब तऽ किछ नै रहलै हाथ, कखन एता.....................

गौरीक मोनक आस आइ पूरा हएत,
बर बनि अयलाह शम्भू त्रिभुवन नाथ।
जगज्जननी माँ गौरी शंकर छथि स्वामी,
जग उद्धारक शिव छथि अन्तर्यामी।
फेरियो हमरो माथ पर हाथ, कखन एता.......................

"ओम" बुझाबै, सुनू हे मैना महारानी,
इ छथि जगतक स्वामी औढरदानी।
भोला नाथक छथि नाथ कहाबथि,
सबहक ओ बिगडल काज बनाबथि।
शिव छथि एहि सृष्टि केर नाथ, कखन एता...................

गजल

2012-02-20T16:17:00.000+05:30

कतौ बैसार मे जँ अहाँक बात चलल।
तँ हमर करेज मे ठंढा बसात चलल।

विरह देख हमर झरल पात सब गाछ सँ,
सनेस प्रेमक लऽ गाछक इ पात चलल।

मदन-मुस्की सँ भरल अहाँक अछि चितवन,
करेजक दुखक भारी बोझ कात चलल।

बुझाबी मोन केँ कतबो, इ नै मानै,
अहीं लेल सब आइ धरि शह-मात चलल।

छल घर हमर इजोत सँ भरल जे सदिखन,
जखन गेलौं अहाँ, "ओम"क परात चलल।
(बहरे हजज)

गजल

2012-02-20T15:56:00.002+05:30

किछ हमर मोन आइ बस कहऽ चाहै ए।
अहींक बनि कऽ सदिखन तँ इ रहऽ चाहै ए।

इ लाली ठोरक तँ अछि जानलेवा यै,
अछि इ धार रसगर, संग बहऽ चाहै ए।

अहाँ काजर लगा कऽ अन्हार केने छी,
बरखत सिनेह घन कखन दहऽ चाहै ए।

अहाँ फेंकू नहि इ मारूक सन मुस्की,
बिना मोल हमर करेज ढहऽ चाहै ए।

बिन अहाँ "ओम"क सुखो छै दुख बरोबरि,
सब दुख अहाँक इ करेज सहऽ चाहै ए।
(बहरे-हजज)

सोझ बाट पर चलैत-चलैत (दीर्घ कविता)

2012-02-20T15:36:00.002+05:30

1

सोझ बाट पर चलैत-चलैत

पहुँचि जाइत छी

अक्का दारूण बनमे

अनचिन्हार लक्ष्यक संग

नहि भेटैत अछी अपेक्षित लक्ष्य

बी.बी.सी सुनला उतरो

प्रतियोगिता किरण पठलों सन्ता

नहि भए पबैत छी कोनो सरकारी चपरासी

मानलहुँ

कननाइ कोनो समस्याक समाधान नहि

मुदा हँसनाइए कोन

समस्याक समाधान छैक ?

मजबूरीमे बौक जकाँ चुप्प रहनाइ

नियति बनि गेल छैक लोकक

टाट खरहीक हो की सीसाक

ओ मात्र टाटे होइए

ओकर काजे छैक सीमा निर्धारण

इ गप्प भिन्न जे सीसाक आर-पार देखाएत

इहो गप्प भिन्न जे टाटकेँ काटि हाथ मिला सकैत छी

मुदा

भावनाक आदान-प्रदान केनाइ

ओतबए संभव छैक

जतेक की बड़दक दूधसँ खीर बनेनाइ

देहक हाड़-पाँजर फाटि रहल

बाँसक गीरह जेना

पाकल बाँस भने नहि होइ

मुदा काँचो नहि छी

बेछील्ले बाँस करए बला बेसी अछी

बाँसक अनुपातमे

लोक गनगुआरि वा सहस्त्रबाहु हुअए

की नहि हुअए

मुदा काज सुतारबाक लेल

हजार-हजार टा हाथ-पएर भए जाइत छैक

आ हरेकक आँगुरमे बान्हल रहैत छैक

स्वचालित पिस्तौल

आ

गोली लोक छाती पर नहि

पीठ पर खाइए

सोझ बाट पर चलैत-चलैत

2

सोझ बाट पर चलबासँ पहिने

कए लिअ अपन टाँगकेँ टेढ़

कारण

सोझ टाँगे सोझ बाट पर चलब

केखनो नीक नहि

ठीक नहि

आ अहाँ जखन देखिए रहल छीऐक जे

नेङरा सभ दौड़मे प्रथम स्थान लेलकै

तखन हमर सलाह पर

आपत्तिक कोनो प्रश्ने नहि

सभ लोक बामने टा

बनबाक जोगारमे

उगह चान की लपकह पूआ

केर जाप करैत हरेक मनुख

जोहि रहल अछी बाट

अर्ध-सत्यक

अधभूखल रहबासँ बेसी दुखदायी अछी

अधनङनटे रहब

दूभि खेनिहार बकरी भोगि रहल अछी जाबी

आ शेर खा रहल

जिंदा मासु

अधपहरा आ अधकपारीक संयोगसँ

जन्मल छी हम

अर्धमनुख

क्षणिक शांति लेल

दीर्घ आशांतिक निर्माण करब

एहिसँ बड़का छल कोनो नहि

भेड़िया-धसाना होइत संसदमे

पूर्वज आ वंशज

इएह दूनू देखाएत

आम कार्यकर्ता आब नहि बनि

पाओत कोनो

मंत्री

प्रधानमंत्री

राष्ट्रपति

टुटलो हथिसार नौ घरक साङह

होइत छैक

हमरा नहि संदेह एहि पर

संदेह तँ अछी हाथीक बल पर

जे आब एक बेरमे

एक टन खाओ लेला पर

एकै मिनटमे हकमि जाइत अछी

ओना हकमैए तँ कूकूरो

मुदा इ ओकर

जन्मजात गुण छैक

आ बड़दक ?

खटनाइ सएह ने

चलू सहमत छी हम अहाँक गप्पसँ

सोझ बाट पर चलैत-चलैत

3

सोझ बाट पर चलैत-चलैत

अहाँ

इ नहि बुझि सकैत छीऐक जे

छोट-छोट गप्प

पैघ कोना भए जाइत छैक

अहाँ

इहो नहि बुझि रहल छीऐक जे

एक किलो तूर कोना बदलि जाइत छैक

पहाड़क रुपेँ

सोझ बाट पर चलैत-चलैत

अहाँ

इहो नहि बुझि पबैत छीऐक जे

कोना लाशक नाम पर

बैंक-बेलैंस

बढ़ि जाइत छैक

जीति जाइत छैक नेता कोना

लाखक-लाख भोटसँ

अहाँकेँ इहो नहि बूझल हएत जे

मनुखक आत्मा

मरलैए नहि

मारल गेलैए

बम आ गोलीक सहारासँ

लोकसँ

धूनि नहि फटि पबैत छैक

मुदा

लोककेँ छाती महँक दूध

फाड़ए अबैत छैक

येन-केन-प्रकारेण अम्मत घोरि कए

एहन परिस्थितिमे जखन की

धनिकक बच्चा बड्ड जल्दी जबान होइत छैक

कामशास्त्र आ कोक शास्त्रक

कतेक महत्व छैक

से नहि बूझि पेबैक

प्रतिघंटामे कतेक बच्चा होइत छैक

तकर आकँड़ा लेब अहाँक लेल

असंभव नहि

मुदा

प्रति सेकेण्डमे कतेक कंडोम

बिकाइत छैक तकर थाह अहाँकेँ नहि लागत

अहाँकेँ इहो थाह नहि लागत जे

खाली समयकेँ कटबाक लेल

कतेक युवा

कतेक मिनटमे

कतेक बेर वीर्यपात करैत छैक

कतेक अभिसारिका

अभिसार करैत छथि

गुरुजनसँ चोरा कए

एकरो थाह नहि लागत अहाँकेँ

सोझ बाट पर चलैत-चलैत

4

सोझ बाट पर चलैत-चलैत

छटपटाइत अछी

कटल मुर्गी जकाँ

जखन ओकरा बुझाइत छैक जे

हम कोनो राकसक फेरमे छी

छटपटाइत-छटपटाइत

ओ

दैए चकभाउर

मोने-मोन जपैए सावित्री मंत्र

पढ़ैए हनुमान चलीसा

मुदा काज नहि अबैत छैक इ सभ

आ बेहोस भए जाइत छैक अंतमे

भोरक पहिल पहरमे निन्न

खुलला पर मोन पड़ैत छैक

जे पीने छलहुँ शराब भ्रमक भरिपोख

आ निकलि पड़ल छलहुँ

बजारमे

उत्तर आधुनिकता आ भूमंडलीकरणक संग

ग्लोबल विलेजक निर्माण करबाक लेल

इ सभ मोन पड़ैत छैक

सोझ बाट पर चलैत-चलैत

5

सुतबाक लेल नहि

जगबाक लेल खाइत छी निन्नक गोली

आ जखन जगले-जागल देखैत छी जे

वास्तवमे

कोनो अंतर नहि होइत छैक

सरकारक कागती विकास आ

साहित्यकारक कागती प्रगतिशीलतामे

तखन

हमर पएर तरसँ

बिला जाइत अछी रमणगर सोझ बाट

मायावी राक्षस जकाँ

आ खसैत छी हम यथार्थक पतालमे

छद्मक घोघ तर

मनुख कतेक सुन्नरि होइत छैक

एकर आकलन कोनो सौंदर्यशास्त्री नहि कए पौताह

मुदा कतेक करूप होइत छैक

मनुख छद्मक आवरणमे

तकर निर्धारण जानवर

तुरंत कए देत

सोझ बाट पर चलैत-चलैत

6

सोझ बाट पर बनल एकटा घरक

हरेक कोड़ो-बातीमे

लटकल छैक

बादुर

सन्हिआएल छैक करैत

घरमे राखल दाना-दाना पर

लिखल छैक

प्रेतक नाम

दाना-दानामे छैक

शोणितक सुआद

ओहि घरमे बसैत छैक

डाइन

जे डनिपन सिखबाक लेल

दए देलकै बलि

अपन पूत-भतार

देआद

सर-समांगकेँ

हरेक अधरतिआमे

नङटे नचैत अछी डनियाँ

हरेक राग-रागिनीक लय ओ ताल पर

केखनो ओ गाबए लगैत अछी

प्रखर सेक्युलर राग

तँ केखनो

अंधराष्ट्रवाद रागिनी

आ नचबाक लेल बाध्य कइए दैत छैक ओ

सभ भूत-प्रेत-बैतालकेँ

एहि राग-रागिनीक लय-ताल पर

नहि समता कए सकताह नटराज

एहि नाचसँ अपन नाचकेँ

उचित छन्हि हुनका जे

ओ छोड़ि देथु अपन पदवी

नटराजक

सोझ बाट पर चलैत-चलैत

7

बाट आ बाट नहि रहल

भने ओ सोझ हुअए की टेढ़

बनि गेलैक ओ राजगद्दी

बटोहिओ आब बटोही नहि रहल

भने ओ अहदी हुअए की कमासुत

बनि गेल ओ राजा

प्रजा नहि छैक

एहि सोझ बाटक नगरीमे

सभहँक पोनमे छैक लस्सा लागल

जाहिमे सटल छैक कुर्सी

मुदा एकटा गप्प बुझबै

हरेक कुर्सीमे

पोसा रहल छैक धामन साँप

बस देरी छैक

मात्र

गुदा मार्ग द्वारा

मगजमे घुसबाक

जे काज गहुमन आ नाग नहि कए सकल

से इ बिखहीन धामन देखाओत

ओना बिखहीन हुअए की बिखाह

साँप अंततः साँपे होइत छैक

से हमरा बुझा रहल अछी

सोझ बाट पर चलैत-चलैत

गीत -जगदानंद झा 'मनु'

2012-02-20T14:20:00.000+05:30

भोलेबाबा हौ

खोलबअ केखन अपन द्वार ) -२

हम दुखिया जन्मे कए दुखल

एलहुँ तोहरे द्वार

भोलेबाबा हो - - - - - अपन द्वार

तन दुखिया अछि मन अछि दुखिया

दुखिए जन्म हमार

सुनि महिमां भोले एलहुँ तोरे द्वारे

करबअ केखन हमर उद्धार

भोलेबाबा हो - - - - - अपन द्वार

मुनलह तु अपन नयना

मुनलह हमर कपार

एलहुँ भटकैत,भटकैत तोरे द्वारे

मुनलह किएक अपन केबार

भोलेबाबा हो - - - - - अपन द्वार ) -२

***जगदानन्द झा 'मनु'

नाटक, गीत, संगीत, नृत्य, मूर्तिकला, शिल्प आ चित्रकला क्षेत्रमे विदेह सम्मान २०१२ (रिपोर्ट बेचन ठाकुर)

2012-02-15T22:47:00.002+05:30

नाटक, गीत, संगीत, नृत्य, मूर्तिकला, शिल्प आ चित्रकला क्षेत्रमे विदेह सम्मान २०१२
अभि‍नय- मुख्य अभिनय ,सुश्री शि‍ल्‍पी कुमारी, उम्र- 17 पि‍ता श्री लक्ष्‍मण झा/श्री शोभा कान्‍त महतो, उम्र- 15 पि‍ता- श्री रामअवतार महतो,/
हास्‍य-अभिनयसुश्री प्रि‍यंका कुमारी, उम्र- 16, पि‍ता- श्री वैद्यनाथ साह/श्री दुर्गानंद ठाकुर, उम्र- 23, पि‍ता- स्‍व. भरत ठाकुर
नृत्‍यसुश्री सुलेखा कुमारी, उम्र- 16, पि‍ता- श्री हरेराम यादव/श्री अमीत रंजन, उम्र- 18, पि‍ता- नागेश्वर कामत

चि‍त्रकलाश्री पनकलाल मण्डल, उमेर- ३५, पिता- स्व. सुन्दर मण्डल, गाम छजना/श्री रमेश कुमार भारती, उम्र- 23, पि‍ता- श्री मोती मण्‍डलसंगीत (हारमोनियम)/श्री परमानन्‍द ठाकुर, उम्र- 30, पि‍ता- श्री नथुनी ठाकुर

संगीत (ढोलक)श्री बुलन राउत, उम्र- 45, पि‍ता- स्‍व. चि‍ल्‍टू राउत

संगीत (रसनचौकी)श्री बहादुर राम, उम्र- 55, पि‍ता- स्‍व. सरजुग राम

शिल्पी-वस्तुकलाश्री जगदीश मल्लिक,५० गाम- चनौरागंज

मूर्ति-मृत्तिका कलाश्री यदुनंदन पंडि‍त, उम्र- 45, पि‍ता- अशर्फी पंडि‍त

काष्ठ-कलाश्री झमेली मुखिया,पिता स्व. मूंगालाल मुखिया, ५५, गाम- छजना

किसानी-आत्मनिर्भर संस्कृतिश्री लछमी दास, उमेर- ५०, पिता स्व. श्री फणी दास, गाम वेरमा

गहीर आँखिक व्यथा (कथा)

2012-02-15T16:29:00.001+05:30

आइ-काल्हि शहरी मध्यवर्गक भोरका रूटीन सब ठाम एक्के रहै ए। चाहे ओ छोट शहर हुए वा महानगर। जँ घर मे स्कूल जाइवाला बच्चा आछि तँ भोरे-भोर उठू आ बच्चा केँ तैयारी मे लागि जाउ। एक नजरि घडी दिस रहै छै जे कहीं लेट नै भऽ जाइ। बस स्टाप पर अलगे भीड आ जे अपने सँ स्कूल पहुँचाबै छथि, हुनकर सभक भीड स्कूल गेट पर। कम बेसी सभ शहरक हाल एहने रहै ए। भागलपुर सेहो एहि सब सँ फराक नै छै। भोर मे सात बजे सँ लऽ कऽ साढे आठ बजे तक सौंसे ट्रैफिक जाम आ भीड भाड रहै छै। संजोग सँ हमहुँ एहि भीड भाडक एकटा हिस्सा रहै छी। छोटकी बेटी केँ स्कूल पहुँचेबाक हमरे ड्यूटी रहै ए। अलार्म लगा कऽ भोरे भोर छह बजे उठि जाइ छी। जौं छह सँ आगू सुतल रहलौं, तँ श्रीमतीजीक सुभाषितानि शुरू भऽ जाइ छै जे हे देखियौ आइ स्कूल छोडेलखिन्ह। जखन सात पर घडीक काँटा आबि जाइ ए तखन हबड हबड बेटीक डैन पकडने स्कूल दिस भागै छी आ जँ समय पर गेटक भीतर ढुका देलियै, तँ बुझाइत अछि जे दुनिया जीत लेलौं। इ तँ भेल नित्यक कार्यक्रम। आब किछ विशेष। स्कूलक इलाका मे नित्य भोरे बहुत रास अभिभावकक जुटान हेबाक कारणेँ गपक छोट छोट ढेरी टोल बनल रहै ए। सभक अपन अपन ग्रुप छै आ इ ग्रुप सभक जुटान हेबा लेल ढेरी चाह आ पानक दोकान सभ सेहो। अस्तु, तँ हमरो एकटा ग्रुप बनि गेल अछि, जाहि मे ब्लाक वाला ठाकुरजी, कालेजक प्रोफेसर दासजी, पोस्ट आफिस वाला शर्माजी, कपडा दोकान वाला मोहन सेठ, सर्वे वाला मेहताजी आ आरो किछ गोटे शामिल छथि। हम सब नित्य बच्चा केँ स्कूल छोडलाक बाद ओतुक्का घनश्यामक चाह दोकान पर जुटै छी आ चाहक संग भरि पोख गपक सेहो रसास्वादन करै छी। निजी समस्या सँ लऽ कऽ देशक राजनीति, अमेरिकाक दादागीरी, सचिनक सेनचुरी, आर्थिक समस्या, टूटल रोड, बिजलीक कमी, मँहगीक मारि, कम दरमाहा आदि बहुते विषय सब पर नित्य अंतहीन बहस होइत रहै ए। कहियो काल जँ बेसी लेट भऽ जाइ ए तँ घरनीक तामस सँ भरल फोन हमर सभक सभा भंग कऽ दैत ए। कखनो कऽ मोबाईल फोन पर तामसो होइ ए जे केहन सुन्नर बहस चलै छल आ बहसक असमय मृत्यु भऽ जाइ ए एकटा फोन काल पर। खैर इ भेल हमर भोरका नित्य कार्य। आब हम मूल कथा दिस बढै छी।

घनश्यामक चाह दोकान पर एकटा छोट बच्चा काज करै छल। नाम छलै बिनोद आ हमरा सब लेल ओ छल छोटू। घनश्याम कहै छलै बिनोदबा। इ बिनोद, बिनोदबा वा छोटू जे कहियै दस बरखक हएत। एक दिन बहसक विषय वस्तु छल चाइल्ड लेबर। हम सब अपन चिन्ता प्रकट करै छलौं। ठाकुरजी बजलाह जे यौ ऐ दोकान मे जतय छाह पीबै छी सेहो एकटा बाल मजदूर काज करै ए। एकाएक हमरा सभक धेआन छोटू पर चलि गेल। एतेक दिन सँ इ गप नजरि मे किया नै आबै छल, यैह सोचऽ लगलौं। ठाकुरजी घनश्याम केँ कहलखिन्ह जे बाउ इ गलती काज केने छी अहाँ। पुलिस पकडत आ मोकदमा सेहो हएत। घनश्याम बाजल जे अहाँ जूनि चिन्ता करू। हमर पूरा सेटिंग अछि। लेबर आफिसक बडा बाबू हमर ग्राहक छथि आ कोतवालीक दरोगा सेहो एतय आबै छथि। आइ तक तँ किछ नै कहलाह आ आगू देखल जेतै। हम बजलौं- "से तँ ठीक ए, मुदा इ कहू जे एते छोट बच्चा सँ काज करेनाई अहाँ के नीक लगै ए।" घनश्याम- "जखन एकर बापे केँ नीक लगै छै तखन हमरा की जाइ ए। तीन सय टाका महीनवारी दय छियै।"

हम धेआन सँ बिनोद केँ देखलौं। ओकर आँखि बड्ड गहीर छलै। कोनो सुखायल सपना जकाँ ओकर आँखि मे काँची सुखा कऽ सटल छलै। हमर हृदय करूणा सँ भरि गेल। हमरा रहल नै गेल। हम ओकरा लग बजेलियै आ पूछलियै- "बउआ कोन गाम घर छौ।" बिनोद बाजल- "हम्मे जगतपुरो केँ छियै।" हम- "बाबूक की नाम ए।" बिनोद- "हमरो बाबूरो नाम जीबछ दास छै।" हम- "पढै नै छी अहाँ? किया काज करै छी?।" बिनोद- "हमरो बाबू कहलकौं जे काम नै करभीं, त घरो मे चूल्ही नै जरथौं। ऐ सँ हम्मे काम पकडी लेलियै।" हम- "हम अहाँक बाबू सँ भेंट करऽ चाहै छी।" बिनोद ताबत हमरा सँ नीक जकाँ गप करऽ लागल छल आ मुस्की दैत कहलक- "हमरो बाबू आज अइथौं। थोडा देर रूकी जा, भेंट होइ जेथौं।"

हम ओतै बिलमि गेलौं। कनी काल मे कनियाँ फोन केलथि- "आइ आफिस नै जेबाक ए।" हम- "बस आधा घण्टा मे आबै छी।" कनियाँ- "इ महफिल आ चौकडी अहाँ केँ बरबादे कऽ कऽ छोडत। जे फुराइ ए सैह करू।" हम देखलौं जे मण्डलीक सब सदस्यक मोबाईल टुनटुनाईत छल। खैर कनी कालक बाद एकटा दीन हीन व्यक्ति दोकान पर आयल। बिनोद कहलक- "हमरो बाबू आबी गेल्हौं। जे गप करना छौं, करी लए।" हम ओहि व्यक्ति सँ पूछलौं- "अहीं जीबछ दास थिकौं।" ओ बाजल- "जी मालिक। केहनौ खोजी रहलौं छलियै हमरा।" हम- "अहाँ अपन छोट बच्चा सँ मजदूरी कियाक करबै छियै? ओकर पढै लिखैक उमरि छै। आओर सरकारी कानून सेहो बनि गेल अछि जे अहाँ बच्चा सँ मजदूरी नै करा सकै छी।" जीबछ- "अरे मालिक सरकारो की करतै? फाँसी लटकाय देतै? घरो रहतै त भूखले मरी जेतै।" हम- "कतेक बाल बच्चा अछि अहाँक?" जीबछ- "पाँच गो बेटा औरो दू गो बेटी छै।" हम- "ककरो पढबै छियै की नै?" जिबछ बिहुँसैत कहलक- "पहीले खाना पीना पूरा होतै तभें नी पढाई होतै।" हम- "एते जनसंख्या कियाक बढेने छी?" जीबछ- "आब होइ गेलै त की करभौं। हमे भी बच्चा मे मजदूरीये केलियौं मालिक। हमरा और के भाग मे यही लिखलो छौं।" हम- "देखू जे भेल से भेल। बच्चा केँ मजदूरी छोडाउ आ स्कूल मे भर्ती करू। सरकार दुपहरियाक खेनाई सेहो दै छै। नै तँ हम लेबर विभाग मे खबरि कऽ देब। कनी एक बेर बिनोदक आँखिक सपना दिस देखियौ। ओकर की दोख छै? कमे अवस्था मे केहन लागै छै। अहाँक दया नामक वस्तु नै ए की? अहींक बच्चा थीक। सरकारक ढेरी योजना छै। अहाँ लोन लऽ सकै छी। अपन कारोबार कऽ सकै छी। नरेगा मे रोजगारक गारण्टी छै। इंदिरा आवास मे मकान लऽ सकैत छी।" पता नै हम की सब कहैत चलि गेलौं। हमरा चुप भेलाक बाद जीबछ बाजल- "मालिक अपने सब ठीके कहलियै। लेकिन सबे जगहो पर कमीशनो खोजै छै। हमे कहाँ से देभौं कमीशन। ढेरी इनक्वाइरी औरो चिट्ठी पतरी होइ छौं। एतना लिखा पढी औरो दौडा दौडी हमरा से नै सपरथौं।" हम- "ठीक छै, एखन तँ हम जाइ छी, मुदा अहाँ केँ जे कहलौं से करब आ कोनो दिक्कत हएत तँ हमरा सँ भेंट करब। हम अहाँक चिट्ठी बना देब आ जतय कहऽ पडत कहि देब।" फेर हम घर चलि गेलौं। सभा विसर्जित भऽ गेल छल।

दोसर दिन जखन स्कूल गेलौं, तँ फेर सँ घनश्यामक दोकान पर चाहक जुटान भेल। आइ बिनोद दोकान पर नै छल। हम गर्व सँ बाजलौं- "देखलियै बिनोदक मुक्ति भऽ गेल। आब ओकर गहीर आँखिक सपना फेर सँ हरिआ जाएत।" घनश्याम कहलक- "नै सर, बिनोदबाक बाप अहाँ सब सँ डरि गेल आ हमरा ओतय सँ हटा लेलक। कहै छल जे कहीं साहब सब पकडबा नै दैथ, तैं एकरा कोनो दोसर ठाम रखबा दैत छियै।" हम अवाक रहि गेलौं। बिनोदक गहीर आँखिक सपना हमरा नजरिक सामने ठाढ भेल हमरा पर हँसि कऽ कहै छल- "सब सपना पूरा होइ लेल थोडे होई छै। किछ सपनाक अकाल मृत्यु भऽ जाइ छै। हमरो अकाल मृत्यु भऽ गेल अछि। अहाँ व्यर्थ हमरा जीयेबाक प्रयास कऽ रहल छी।" हम हताश भऽ गेलौं। ओहि दिन सँ बिनोद केँ बहुत ताकलियै, मुदा पूरा भागलपुर मे ओ कतौ नै भेंटल। बच्चा सबहक बडा दिनक छुट्टी मे एकटा भाडाक गाडी सँ गाम जाइ छलौं। बाट मे नारायणपुर मे चाह पीबा लेल गाडी रोकलौं, तँ देखै छी जे बिनोद ओहि चाहक दोकान पर काज करैत छल। हम ओकरा दिस बढलौं की ओ जोर सँ कानऽ लागल। दोकानक मालिक हमरा कहलक- "बच्चा केँ किया डरबै छियै?" हम- "नै डरबै नै छियै। हम ओकरा जानै छियै।" दोकानक मालिक- "से तँ हम देखिये रहल छी। चुपचाप चाह पीबू आ अपन गाम दिस जाउ।" ताबत कनियाँ सेहो आबि गेली आ कहऽ लागली- "अहाँ केँ बताह हेबा मे आब कोनो कसरि नै रहि गेल। चलू तँ चुपचाप।" हम देखलौं जे बिनोद कतौ नुका गेल छल अपन गहीर आँखिक सपना समेटने आ हम चुप भऽ गाडी मे बैसि गेलौं।

गजल

2012-02-15T13:32:00.002+05:30

बाहरक शत्रु हारि गेल मुदा मोन एखनहुँ कारी अछि।
नांगरि नहि कटा कऽ मुडी कटबै कऽ हमर बेमारी अछि।

तेल सँ पोसने सींग रखै छी व्यर्थ कोना हम होबय देबै,
खुट्टा अपन गाडब ओतै जतऽ सभक सँझिया बाडी अछि।

पेट भरल अछि तैं खूब भेजा चलै ए, नै तऽ हम थोथ छी,
ढोलक कियो बजाबै, मस्त भेल बाजैत हमर थारी अछि।

जीतबा लेल ढेरी रण बाँचल, एखन कहाँ निचेन हम,
केहनो इ व्यूह होय, टूटबे करतै जँ पूरा तैयारी अछि।

डाह-घृणा केँ अहाँ कात करू, इ अस्त्र शस्त्र नै कमजोरी छै,
आउ सब ओहिठाम जतय रहै "ओम" प्रेम-पुजारी अछि।
सरल वार्णिक बहर वर्ण २२

लेख - इ बिडम्बना किएक

2012-02-15T11:54:00.002+05:30

इ मात्र विडंबना कहु वा कोनो अभिशाप, जे राजनितिक आजादी मिललाक ६५ वर्ष बादो हम मिथिलाबासी अपन सोच कए जाति-पाति सँ ऊपर नहि उठा प रहल छी |
मात्र राजनितिक आजादी एही कारने जे, राजनितिक रूप सँ हम स्वतन्त्र छी परञ्च आर्थिक रूप सँ हम एखनो पराधीन छी | आर्थिक पराधीनता | अर्थात हम अपन इच्छानुसार खर्च नहि कय सकै छी, मने धनक अभाब | हमर मोन होइए अपन बच्चा कए कॉन्वेंट स्कूल में पढाबी मुदा नहि पढ़ा सकै छी, इ थिक आर्थिक पराधीनता | हमर मोन होइए नीक मकान में रही मुदा नहि किन सकै छी, इ थिक आर्थिक पराधीनता | हमर मोन होइए हमरो लग मोटर साईकिल, कार हुए, हमरो कनियाँ-बच्चा नीक कपड़ा पहिरथि मुदा नहि, इ थिक आर्थिक पराधीनता |
स्वाधीनता कए ६५ वर्ष बादो आर्थिक पराधीनता किएक ?
की हमरा लग बिद्या कम अछि ?
की हम कोनो राजनेता नहि बनेलहुँ ?
की हम प्राकृतिक रूपेण उपेक्षित छी ?
उपरोक्त सब बात गलती अछि | विद्या में हम केकरो सँ कम नहि छी | राजनीती कए खेती अपने खेत में होइए | प्राकृतिक कृपा अपन धरती पर पूर्ण रूपेण अछि |
तखन किएक ? किएक हम स्वाधीनता कए ६५ वर्ष बादो, आर्थिक पराधीनताक जीबन जिबैक लेल बेबस छी |
एखनो बच्चा कए चोकलेट नहि आनि हम कहैत छीयै, दाँत खराप भय जेतौ | कमी चोकलेट में नहि, कमी हमर जेबी में अछि |
आ इ आर्थिक पराधीनताक एक मात्र कारन अछि, हम मिथिला बासिक सोचब तरीका | आजुक युग में जहिखन मनुख चान-तारा पर अपन पैर राखि चुकल अछि, हम मिथिला बासी एखन तक जाति-पाति कए सोचि सँ ऊपर उठै हेतु तैयार नहि छी |
बाभन-सोलकन्ह कए नाम पर बिबाद | अगरा-पिछरा कए नाम पर बिबाद | ऊँच-नीच कए नाम पर बिबाद |
कोनो काज कए लय क आगु बढ़ू, जेकरा नापसन्द भेल, जाति-पाति कए नाम पर बबाल खड़ा कय देत | आ इ कोनो अशिक्षित नहि बहुत पढ़ल-लिखल वर्गों सँ नहि दूर भय रहल अछि | शिक्षित माननीयव्यक्ति सब चाहे कोनो जातिक्र हुएथ, अपन-अपन जाति कए झंडा लय क आगु आबि जाएत छथि |
यदि हम स्वं व अपन मिथिला समाज कए विकसित व विकासशील देखए चाहै छी त जाति-पाति कए झंझट सँ निकलि क एक जुट भय आगु बढ़य परत |
एक संगे चलै में मतभेद स्वभाबिक छै आ ओकरा दुर केनाई निदान्त आबश्यक छै | मुदा ओई मतभेद में जाति कए बिच में नहि आनि क व्यक्तिगत आलोचना, समालोचना करबाचाहि |
की कोनो गोट सफल व्यक्ति कए ओकर जाति कए नाम सँ जानल जाई छै ? नै, त सफलता कए सीढ़ी पर चलै लेल जाति-पातिक सहारा किएक |
इ जाति-पातिक रस्ता किछु मुठी भरि राजनेताक चालि छैन | हुनकर बात मानि त हम सब अपन विकास छोरि जाति-पाति में लरैत रहि आ ओ दुस्त राज करैत हमरा सब कए सोधति रहत |
*** जगदानंद झा 'मनु'

2012-02-15T11:18:00.002+05:30

गजल@प्रभात राय भट्ट

गजल

कतय भेटत एहन प्रेम जे मीत अहाँ देलौं

मित्रताक कर्मपथ पर मोन जीत अहाँ लेलौं

स्वार्थक मीत जग समूचा,मोन मीत नहीं कियो
धन्य सौभाग्य हमर मोन मीत बनी अहाँ एलौं

स्वार्थक मेला में भोगलौं हम वर वर झमेला

हर झमेला में बनिक सहारा मीत अहाँ एलौं

मजधार डूबैत हमर जीवनक जीर्ण नाव

नावक पतवार बनी मलाह मीत अहाँ एलौं

निस्वार्थ भाव अहाँ मित्रताक नाता जोड़ी लेलहुं

हर नाता गोटा सं बड़का रिश्ता मीत अहाँ देलौं

नीरसल जिन्गीक हर क्षण भेल छल उदास

उदास जिन्गीक ठोर पर गीत मीत अहाँ देलौं

संगीतक ध्वनी सन निक लगैय मीतक प्रीत

कृष्ण सुदामाक प्रतिक बनी मीत अहाँ एलौं
...............वर्ण:-१८.....................
रचनाकार:-प्रभात राय भट्ट

गजल

2012-02-14T18:47:00.000+05:30

मधुर साँझक इ बाट तकैत कहुना कऽ जिनगी बीतैत रहल हमर।
पहिल निन्नक बनि कऽ सपना सदिखन इ आस टा टूटैत रहल हमर।

कछेरक नाव कोनो हमर हिस्सा मे कहाँ रहल कहियो कखनो,
सदिखन इ नाव जिनगीक अपने मँझधार मे डूबैत रहल हमर।

करेज हमर छलै झाँपल बरफ सँ, कियो कहाँ देखलक अंगोरा,
इ बासी रीत दुनियाक बुझि कऽ करेज नहुँ नहुँ सुनगैत रहल हमर।

रहै ए चान आकाश, कखनो उतरल कहाँ आंगन हमर देखू,
जखन देखलक छाहरि, चान मोन तँ ओकरे बूझैत रहल हमर।

अहाँ कहने छलौं जिनगीक निर्दय बाट मे संग रहब हमर यौ,
अहाँक गप हम बिसरलहुँ नहि, मोन रहि रहि ओ छूबैत रहल हमर।
मफाईलुन (ह्रस्व-दीर्घ-दीर्घ-दीर्घ) - ५ बेर प्रत्येक पाँति मे।

-साहित्य अकादेमी युवा पुरस्कार २०११ आ अनुवाद पुरस्कार २०११क घोषणा -

2012-02-13T23:06:00.001+05:30

-साहित्य अकादेमी युवा पुरस्कार २०११ आ अनुवाद पुरस्कार २०११क घोषणा-

-मैथिली लेल युवा पुरस्कार २०११ श्री आनन्द कुमार झाकेँ हुनकर नाटक "हठात परिवर्तन" लेल देल गेल।-श्री आनन्द कुमार झाकेँ विदेह समानान्तर युवा पुरस्कार २०११ पहिनहिये भेट चुकल छन्हि, हुनकर पोथी "हठात परिवर्तन" केँ वोटिंग लेल राखल गेल रहए आ नाटक "कलह" केँ ई पुरस्कार देल गेल रहए। हुनकर पाँचटा नाटकक पोथी प्रकाशित छन्हि।-
- युवा पुरस्कार २०११ लेल जूरी रहथि श्रीमती शेफालिका वर्मा, श्री गंगेश गुंजन आ श्रीमती उषाकिरण खान।-
- युवा पुरस्कारक सम्बन्धित वर्षक १ जनवरी (ऐ साल ई तिथि छल १ जनवरी २०११ केँ ३५ वर्ष) केँ ३५ वर्षसँ कम उमेरक रचनाकारकेँ सभ साल देल जाएत।
-ऐ साल पहिल बेर युवा पुरस्कार शुरू कएल गेल अछि।
-युवा पुरस्कारमे पचास हजार टाकाक चेक आ ताम्र प्रशस्ति पत्र देल जाएत।

-साहित्य अकादेमी अनुवाद पुरस्कार २०११ श्री खुशीलाल झाकेँ "उपरवास कथात्रयी" (रघुवीर चौधरीक गुजराती उपन्यासक मैथिली अनुवाद) पर देल गेल।-
-अनुवाद पुरस्कार २०११ लेल जूरी रहथि श्रीमती कमला चौधरी, श्री वीरेन्द्र मल्लिक आ श्री इन्द्रकान्त झा।
-१ जनवरी २००५ सँ ३१ दिसम्बर २००९ धरि प्रकाशित पोथीपर अनुवाद पुरस्कार २०११ लेल विचार कएल गेल।
-अनुवाद पुरस्कारमे पचास हजार टाकाक चेक आ ताम्र प्रशस्ति पत्र देल जाएत।

SAHITYA AKADEMI
RABINDRA BHAVAN
35, FEROZESHAH ROAD
NEW DELHI – 110 001
 23386623/23387064,  23382428,  secy@ndb.vsnl.net.in

Agrahara Krishna Murthy
Secretary
SA. 61/11/2/YP/PR/ 13 February 2012
For favour of Publication/Broadcast/Telecast
PRESS RELEASE
SAHITYA AKADEMI YUVA PURASKAR 2011
Sahitya Akademi announced its first annual Yuva Puraskar in 16 languages today; the rest of
the languages will be declared at a later date except Dogri and Sindhi. Seven books of poetry, one
of novel, four of short stories, one of biography, one of essay and two of plays have won the Sahitya
Akademi Yuva Puraskar.
The Awards were recommended by distinguished Jury members representing 24 Indian
languages and approved by the Executive Board of the Sahitya Akademi which met today under the
Chairmanship of Sri Sunil Gangopadhyay, President of the Sahitya Akademi.
Those who have won the Awards for their collection of poetry include Uma Shankar Choudhary
(Hindi), Veeranna Madiwalara (Kannada), Nisar Azam (Kashmiri), Aishwarya Patekar (Marathi),
Gayatribala Panda (Odia), Paramveer Singh (Punjabi) and Vempalli Gangadhar (Telugu).
Those who have won the Awards for their collection of short stories include
Binod Ghoshal (Bengali), Susmesh Chandroth (Malayalam), Dula Ram Saharan (Rajasthani) and
Jofa Gonsalves (Konkani). M. Thavasi (Tamil) is awarded for his novel.
Those who have won the Awards for their plays are Anand Kumar Jha (Maithili) and Dhwanil
Parekh (Gujarati). Vikram Sampath (English) won the award for Biography while Arindam Borkataki
(Assamese) won for his book on essays.
According to the procedure, the Executive Board declared the Awards on the basis of
unanimous selections made by the Jury or selection made on the basis of majority vote. The Award
relates to books published by an author of the age of 35 and below as on 1st January of the year of
the award.
The Award in the form of a casket containing an engraved copper-plaque and a cheque of
Rs.50,000/- will be presented to the awardees at a special function held at a later date.
Sd/-
(Agrahara Krishna Murthy)
Encls: List of Award-winners
List of Jury members
Annexure ‘A’
Sahitya Akademi Yuva Puraskar 2011
Language Title and Genre Author
Assamese ANUSILON (ESSAYS) ARINDAM BORKATAKI
Bengali DANAOWLA MANUS (SHORT STORIES) BINOD GHOSHAL
English
‘MY NAME IS GAUHAR JAAN!’ - THE LIFE AND TIMES OF A
MUSICIAN (BIOGRAPHY)
VIKRAM SAMPATH
Gujarati ANTIM YUDDHA (PLAY) DHWANIL PAREKH
Hindi KAHTE HAIN TAB SHANSHAAH SO RAHE THE (POETRY) UMA SHANKAR CHOUDHARY
Kannada NELADA KARUNEYA DANI (POETRY) VEERANNA MADIWALARA
Kashmiri PATTE LEJI ZOON DARAS(POETRY) NISAR AZAM
Konkani NIRNAY (SHORT STORIES) JOFA GONSALVES
Maithili HATHAT PARIVARTAN (PLAY) ANAND KUMAR JHA
Malayalam MARANA VIDYALAYAM (SHORT STORIES) SUSMESH CHANDROTH
Marathi BHUISHASTRA (POETRY) AISHWARYA PATEKAR
Odia GAAN (POETRY) GAYATRIBALA PANDA
Punjabi AMRIT VELA (POETRY) PARAMVEER SINGH
Rajasthani PEER (SHORT STORIES) DULA RAM SAHARAN
Tamil SEVALKATTU (NOVEL) M. THAVASI
Telugu
MOLOKALAPUNNAMI (SHORT STORIES)
VEMPALLI GANGADHAR
Annexure ‘B’
JURY MEMBERS FOR THE 2011 SAHITYA AKADEMI YUVA PURASKAR
ASSAMESE
1) Smt. Anuradha Sarma Pujari
2) Sri Apurba Sarma
3) Sri Atulananda Goswami
MAITHILI
1) Dr. (Smt.) Ushakiran Khan
2) Dr. Gangesh Gunjan
3) Dr. Shefalika Verma
BENGALI
1) Sri Subodh Sarkar
2) Ms. Sumita Chakraborty
3) Sri Ashis Sanyal
MALAYALAM
1) Sri K.P. Sankaran
2) Sri M.K. Sanoo
3) Sri Sathrughnan
ENGLISH
1) Dr. Amitava Roy
2) Sri Bhaskar Ghosh
3) Smt. Prema Nandkumar
MARATHI
1) Smt. Anuradha Patil
2) Prof. Bhalchandra Nemade
3) Prof. Chandrashekhar Jahagirdar
GUJARATI
1) Sri Chandrakant Topiwala
2) Sri Manilal H. Patel
3) Smt. Dhiruben G. Patel
ODIA
1) Smt. Amiyabala Patnaik
2) Dr. Archana Nayak
3) Dr. Bauribandhu Kar
HINDI
1) Dr. Divik Ramesh
2) Sri Himanshu Joshi
3) Smt. Rajee Seth
PUNJABI
1) Dr. Charnjeet Kaur
2) Dr. Manjit Singh
3) Dr. Rajinder Pal Singh Brar
KANNADA
1) Dr. Banjagere Jayaprakash
2) Dr. Meerasabihally Shivanna
3) Dr. M. H. Krishnaiah
RAJASTHANI
1) Sri. Kamal Ranga
2) Dr. Nand Bhardwaj
3) Dr. Kundan Mali
KASHMIRI
1) Smt. Naseem Shifayee
2) Dr. Roop Krishan Bhat
3) Sri Satish Vimal
TAMIL
1) Dr. S. Chandra
2) Dr. M. Palaniappan
3) Sri Thopil Mohamad Meeran
KONKANI
1) Sri Ashok S. Kamat
2) Sri Basti Vaman Shenoy
3) Sri Stanley Nic Vas
TELUGU
1) Dr. Kathyayini Vidmahe
2) Sri Munipalla Raju
3) Prof. Rachapaleum Chandrashekara Reddy

SAHITYA AKADEMI
RABINDRA BHAVAN
35 FEROZESHAH ROAD
NEW DELHI-110 001
TEL: 2338 66 26/2338 7064, Fax : 23382428, E-mail: secy@ndb.vsnl.net.in
Agrahara Krishna Murthy
Secretary
SA.61/11/TP/PN/ 13 February 2012
For favour of Publication/Broadcast/Telecast.
P R E S S N O T E
SAHITYA AKADEMI PRIZE FOR TRANSLATION 2011
The Executive Board of the Sahitya Akademi which met at Rabindra Bhavan, New
Delhi, today, under the Chairmanship of its President, Sri Sunil Gangopadhyay, approved
selection of 22 books (as given at Annexure `A' attached) for the Sahitya Akademi
Translation Prize 2011. Nepali and Sanskrit awards will be announced at a later date. The
books were selected on the basis of recommendations made by the Selection Committees of
three members each in the concerned languages in accordance with the rules and procedure
laid down for the purpose. The prizes relate to translations first published during the five
years prior to the year immediately preceding the year of Prize for Translation (i.e. between
1 January 2005 and 31 December 2009).
The names of the members of the Selection Committees on whose recommendations
the Translation Prizes were declared are given language wise at Annexure `B' attached.
The Prize carries an amount of Rs.50,000/= and a copper plaque which will be
presented to the translators of each of these books at a special function to be held some time
in August 2012.
Sd/-
(Agrahara Krishna Murthy)
Encl: as above
Annexure “A”
SAHITYA AKADEMI PRIZE FOR TRANSLATION 2011
LANGUAGE
TITLE OF THE TRANSLATION
TRANSLATOR
NAME OF THE ORIGNAL BOOK, GENRE, LANGUAGE &
AUTHOR
ASSAMESE ADAMYA SHAKTI SURESH SHARMA INDOMITABLE SPIRIT (ESSAYS) ENGLISH
A P J ABDUL KALAM
BENGALI RAGHAVER DIN R0ATRI JAYANTA DEVNATH (NOVEL) MARATHI
NAMDEV KAMRE
BODO VOLGANIFRAI GANGA HARI NARAYAN KHAKHLARY VOLGA SE GANGA (NOVEL) HINDI
RAHUL SANKRITAYAN
DOGRI DO GAZ ZAMEEN JITENDRA UDHAMPURI DO GAZ ZAMEEN (NOVEL) URDU
ABDUS SAMAD
ENGLISH SHAH ABDUL LATIF: SEEKING THE
BELOVED
ANJU MAKHIJA & HARI DILGIR SHAH JO RISALO (POETRY) SINDHI
SHAH ABDUL LATIF
GUJARATI KARMELIN DARSHANA DHOLAKIA KARMELIN (KONKANI) NOVEL
DAMODAR MAUZO
HINDI GIFT PACKET S. SHESHARATTANAM GIFT PACKET (NOVEL) TELUGU
JAYANTI PAPARAO
KANNADA NAANU AVANALLA… AVALU…! TAMIL SELVI NAAN SHARAVANAN ILLAI, VIDYA (AUTOBIOGRAPHY) TAMIL,
LIVING SMILE VIDYA
KASHMIRI WUNAL TE SIRYI SATISH VIMAL (POETRY) HINDI
VARIOUS AUTHORS
KONKANI MAHAKAVI GOVINDA PAI L. SUNITHA BAI MAHA KAVI GOVINDA PAI (BIOGRAPHY) KANNADA
KAYYAR KINHANNA RAI
MAITHILI UPARVAS KATHATRAYEE KHUSHI LAL JHA UPARVAS KATHATRAYEE (NOVEL) GUJARATI
RAGHUVEER CHAUDHARI
MALAYALAM MEERAYUM MAHATMAVUM K. B. PRASANNAKUMAR MIRA AND MAHATMA (NOVEL) ENGLISH
SUDHEER KAKER
MANIPURI KARI MANGKHRE KARI PHANKHRE S. NANDAKISHOR SINGH KYA KHOYA KYA PAYA (POETRY) HINDI
ATAL BIHARI VAJPAYEE
MARATHI RAJAI KAVITA MAHAJAN LIHAF (SHORT STORIES) URDU
ISMAT CHUGHTAI
ODIA UMRAO JAN ADA
SANGRAM JENA
UMRAO JAN ADA (NOVEL) URDU
MIRZA MUHAMMAD HADI RUSWA
PUNJABI BHARTI NIKKY KAHANI GURBAX SINGH FRANK
(ANTHOLOGY OF SHORT STORIES) VARIOUS LANGUAGES
ED. BY E. V. RAMAKRISHNAN
RAJASTHANI EK CHADAR MEILI SI KAMAL RANGA EK CHADAR MEILI SI (NOVEL) URDU
RAJINDER SINGH BEDI
SANTALI SANTAL PAHRA (VOL. I & II) THAKURDAS MURMU SANTAL LOKAKATHA (VOL. I & II) (SHORT STORIES) ORIYA
BINOD BIHARI DAS
SINDHI SHAADEE TA KARI JETHO LALWANI (PLAY) GUJARATI
DAMU SANGANI
TAMIL PARAVAIGAL ORUVELAI THOONGI
POYIERUKKALAM
INDRAN PERHAPS BIRDS MIGHT HAVE SLEPT (POEMS) ORIYA
MANORAMA BISWAL MAHAPATRA
TELUGU PRATAPA MUDALIYAR CHARITRA S. JAYAPRAKASH PRATHAPA MODALIYAR CHARITHRAM (FICTION) TAMIL
VEDANAYAGAM PILLAI
URDU MUNTAKHAB DALIT
KAHANIYAN
F. S. EJAZ ANTHOLOGY OF DALIT SHORT STORIES (SHORT
STORIES) HINDI
ED. BY RAMANIKA GUPTA
Annexure “B”
LIST OF SELECTION COMMITTEE MEMBERS FOR THE SAHITYA AKADEMI PRIZE FOR TRANSLATION 2011
ASSAMESE
Prof. Ananda Bormodui
Prof. Madan Mohan Sharma
Dr. Jitanjali Borpujari
BENGALI
Sri Tapodhir Bhattacharya
Sri Gopa Dutta
Dr Usharanjan Bhattacharya
BODO
Sri Premananda Machahary
Sri Nabin Malla Boro
Sri Gopinath Brahma
DOGRI
Prof. Champa Sharma
Sri Mohan Singh
Sri Krishna Sharma
ENGLISH
Sri Tarun Saint
Prof. Manju Jain
Ms. C. T. Indira
GUJARATI
Ms. Bindu Bhatt
Sri Sanjay Shripad Bhave
Ms. Rupalee Burke
HINDI
Sri Alok Gupta
Sri Amar Goswami
Sri Shankar Lal Purohit
KANNADA
Dr. Na. Damodara Shetty
Dr.Parvathi G.Aithal
Dr. T. G. Prabhashankara ‘Premi’
KASHMIRI
Sri Sona Ullah Niyaz
Sri Shahid Budgami
Dr. Iqbal Nazki
KONKANI
Dr Harischandra Nagvenkar
Sri Leo D’Souza
Sri Payyanur Ramesh Pai
MAITHILI
Dr. Birendra Mullick
Dr. Kamla Chaudhary
Dr. Indra Kant Jha
MALAYALAM
Sri Vaikom Muraly
Sri K. S. Viswambhara Das
Smt. Ashitha
MANIPURI
Professor N. Kunjamohan Singh
Sri S. Lanchenba Meitei
Sri R.K. Jitendrajit Singha
MARATHI
Dr Avinash Sapre
Sri Kautikrao Thale Patil
Dr. G.N. Maggirwar
ODIA
Sri Nrusingha Prasad Tripathy
Professor Sashibhushan Biswal
Sri Jayanti Rath
PUNJABI
Dr. Shinder Pal Singh
Dr. Jatinder Deep Kaur
Prof. Surjit S. Bhatti
RAJASTHANI
Dr. Gordhan Singh Shekhawat
Sri Upendra ‘Anu’
Sri Ramswaroop Kishan
SANTALI
Sri Salkhu Murmu
Sri Biswanath Tudu
Sri Chaitanya Prasad Majhi
SINDHI
Dr. Jagdish Lachhani
Dr. Kamla Goklani
Ms. Vishu Bellani
TAMIL
Smt. Madana Calliyani
Sri Kalladan
Sri Kovai Gnani
TELUGU
Sri Sakhamuru Rama Gopal
Prof. G. Lakshminarayana
Sri Kasturi Murali Krishna
URDU
Sri Salam Bin Razzaq
Sri Alam Khursheed
Prof. Khursheed Ahmad

नाटक, गीत, संगीत, नृत्य, मूर्तिकला, शिल्प आ चित्रकला क्षेत्रमे विदेह सम्मान २०१२ क घोषणा

अभि‍नय- मुख्य अभिनय ,

सुश्री शि‍ल्‍पी कुमारी, उम्र- 17 पि‍ता श्री लक्ष्‍मण झा

श्री शोभा कान्‍त महतो, उम्र- 15 पि‍ता- श्री रामअवतार महतो,

हास्‍य-अभिनय

सुश्री प्रि‍यंका कुमारी, उम्र- 16, पि‍ता- श्री वैद्यनाथ साह

श्री दुर्गानंद ठाकुर, उम्र- 23, पि‍ता- स्‍व. भरत ठाकुर

नृत्‍य

सुश्री सुलेखा कुमारी, उम्र- 16, पि‍ता- श्री हरेराम यादव

श्री अमीत रंजन, उम्र- 18, पि‍ता- नागेश्वर कामत

चि‍त्रकला
श्री पनकलाल मण्डल, उमेर- ३५, पिता- स्व. सुन्दर मण्डल, गाम छजना
श्री रमेश कुमार भारती, उम्र- 23, पि‍ता- श्री मोती मण्‍डल

संगीत (हारमोनियम)

श्री परमानन्‍द ठाकुर, उम्र- 30, पि‍ता- श्री नथुनी ठाकुर

संगीत (ढोलक)

श्री बुलन राउत, उम्र- 45, पि‍ता- स्‍व. चि‍ल्‍टू राउत

संगीत (रसनचौकी)

श्री बहादुर राम, उम्र- 55, पि‍ता- स्‍व. सरजुग राम

शिल्पी-वस्तुकला

श्री जगदीश मल्लिक,५० गाम- चनौरागंज

मूर्ति-मृत्तिका कला

श्री यदुनंदन पंडि‍त, उम्र- 45, पि‍ता- अशर्फी पंडि‍त

काष्ठ-कला

श्री झमेली मुखिया,पिता स्व. मूंगालाल मुखिया, ५५, गाम- छजना

किसानी-आत्मनिर्भर संस्कृति

श्री लछमी दास, उमेर- ५०, पिता स्व. श्री फणी दास, गाम वेरमा
विदेह सम्मान

-मैथिली नाटक/ संगीत/ कला/ मूर्तिकला/ फिल्मक समानान्तर दुनियाँक अभिलेखन आ सम्मान सेहो हएत विदेह सम्मानक घोषणा द्वारा
-ई घोषणा दिसम्बरक अन्त वा जनवरी २०१२ मे हएत
-मैथिली नाटक/ संगीत/ कला/ मूर्तिकला/ फिल्मक समानान्तर दुनियाँक अभिलेखन आ सम्मान कएल जाएत

-विदेह नाट्य उत्सव २०१२ क अवसरपर प्रदान कएल जाएत ई सम्मान।

विदेह सम्मान

-अगस्त २०११ सँ सभ मास "ऐ मासक सभसँ नीक समदिया" सम्मानक घोषणा कएल जा रहल अछि
-समदिया- पूनम मंडल आ प्रियंका झाक मैथिली न्यूज पोर्टल। विदेह- प्रथम मैथिली पाक्षिक ई-पत्रिका ISSN 2229-547X VIDEHA सम्पादक-सूचना-सम्पर्क-समाद पूनम मंडल आ प्रियंका झा। - द्वारा "ऐ मासक सभसँ नीक समदिया"क घोषणा सभ मास भऽ रहल अछि
- सालक अन्तमे "सर्वश्रेष्ठ मैथिली पत्रकारिता" लेल ऐ १२ टा देल सम्मानमे सँ सर्वश्रेष्ठकेँ "विदेह पत्रकारिता सम्मान" देल जाएत।
-अगस्त २०१२ मे हएत "विदेह पत्रकारिता सम्मान"क घोषणा।

विदेह सम्मान

समदिया- पूनम मंडल आ प्रियंका झाक मैथिली न्यूज पोर्टल।विदेह- प्रथम मैथिली पाक्षिक ई-पत्रिका ISSN 2229-547X VIDEHA सम्पादक-सूचना-सम्पर्क-समाद पूनम मंडल आ प्रियंका झा।

अपन इलाकाक कोनो समाचार ऐ अन्तर्जाल (http://esamaad.blogspot.com/)पर देबा लेल , समाचार poonamberma@gmail.com वा priyanka.rachna.jha@gmail.com पर पठाउ वा एतए http://www.facebook.com/groups/samadiya/ फेसबुकपर राखू।"

नेपाल प्रज्ञा प्रतिष्ठानक सदस्यता (नेपाल देशक भाषा-साहित्य, दर्शन, संस्कृति आ सामाजिक विज्ञानक क्षेत्रमे सर्वोच्च सम्मान)

नेपाल प्रज्ञा प्रतिष्ठानक सदस्यता
श्री राम भरोस कापड़ि 'भ्रमर' (2010)
श्री राम दयाल राकेश (1999)
श्री योगेन्द्र प्रसाद यादव (1994)

नेपाल प्रज्ञा प्रतिष्ठान मानद सदस्यता
स्व. सुन्दर झा शास्त्री

नेपाल प्रज्ञा प्रतिष्ठान आजीवन सदस्यता
श्री योगेन्द्र प्रसाद यादव

फूलकुमारी महतो मेमोरियल ट्रष्ट काठमाण्डू, नेपालक सम्मान
फूलकुमारी महतो मैथिली साधना सम्मान २०६७ - मिथिला नाट्यकला परिषदकेँ
फूलकुमारी महतो मैथिली प्रतिभा पुरस्कार २०६७ - सप्तरी राजविराजनिवासी श्रीमती मीना ठाकुरकेँ
फूलकुमारी महतो मैथिली प्रतिभा पुरस्कार २०६७ -बुधनगर मोरङनिवासी दयानन्द दिग्पाल यदुवंशीकेँ

साहित्य अकादेमी फेलो- भारत देशक सर्वोच्च साहित्य सम्मान (मैथिली)

१९९४-नागार्जुन (स्व. श्री वैद्यनाथ मिश्र “यात्री” १९११-१९९८ ) , हिन्दी आ मैथिली कवि।

२०१०- चन्द्रनाथ मिश्र अमर (१९२५- ) - मैथिली साहित्य लेल।

साहित्य अकादेमी भाषा सम्मान ( क्लासिकल आ मध्यकालीन साहित्य आ गएर मान्यताप्राप्त भाषा लेल):-

२०००- डॉ. जयकान्त मिश्र (क्लासिकल आ मध्यकालीन साहित्य लेल।)
२००७- पं. डॉ. शशिनाथ झा (क्लासिकल आ मध्यकालीन साहित्य लेल।)
पं. श्री उमारमण मिश्र

साहित्य अकादेमी पुरस्कार- मैथिली

१९६६- यशोधर झा (मिथिला वैभव, दर्शन)

१९६८- यात्री (पत्रहीन नग्न गाछ, पद्य)

१९६९- उपेन्द्रनाथ झा “व्यास” (दू पत्र, उपन्यास)

१९७०- काशीकान्त मिश्र “मधुप” (राधा विरह, महाकाव्य)

१९७१- सुरेन्द्र झा “सुमन” (पयस्विनी, पद्य)

१९७३- ब्रजकिशोर वर्मा “मणिपद्म” (नैका बनिजारा, उपन्यास)

१९७५- गिरीन्द्र मोहन मिश्र (किछु देखल किछु सुनल, संस्मरण)

१९७६- वैद्यनाथ मल्लिक “विधु” (सीतायन, महाकाव्य)

१९७७- राजेश्वर झा (अवहट्ठ: उद्भव ओ विकास, समालोचना)

१९७८- उपेन्द्र ठाकुर “मोहन” (बाजि उठल मुरली, पद्य)

१९७९- तन्त्रनाथ झा (कृष्ण चरित, महाकाव्य)

१९८०- सुधांशु शेखर चौधरी (ई बतहा संसार, उपन्यास)

१९८१- मार्कण्डेय प्रवासी (अगस्त्यायिनी, महाकाव्य)

१९८२- लिली रे (मरीचिका, उपन्यास)

१९८३- चन्द्रनाथ मिश्र “अमर” (मैथिली पत्रकारिताक इतिहास)

१९८४- आरसी प्रसाद सिंह (सूर्यमुखी, पद्य)

१९८५- हरिमोहन झा (जीवन यात्रा, आत्मकथा)

१९८६- सुभद्र झा (नातिक पत्रक उत्तर, निबन्ध)

१९८७- उमानाथ झा (अतीत, कथा)

१९८८- मायानन्द मिश्र (मंत्रपुत्र, उपन्यास)

१९८९- काञ्चीनाथ झा “किरण” (पराशर, महाकाव्य)

१९९०- प्रभास कुमार चौधरी (प्रभासक कथा, कथा)

१९९१- रामदेव झा (पसिझैत पाथर, एकांकी)

१९९२- भीमनाथ झा (विविधा, निबन्ध)

१९९३- गोविन्द झा (सामाक पौती, कथा)

१९९४- गंगेश गुंजन (उचितवक्ता, कथा)

१९९५- जयमन्त मिश्र (कविता कुसुमांजलि, पद्य)

१९९६- राजमोहन झा (आइ काल्हि परसू, कथा संग्रह)

१९९७- कीर्ति नारायण मिश्र (ध्वस्त होइत शान्तिस्तूप, पद्य)

१९९८- जीवकान्त (तकै अछि चिड़ै, पद्य)

१९९९- साकेतानन्द (गणनायक, कथा)

२०००- रमानन्द रेणु (कतेक रास बात, पद्य)

२००१- बबुआजी झा “अज्ञात” (प्रतिज्ञा पाण्डव, महाकाव्य)

२००२- सोमदेव (सहस्रमुखी चौक पर, पद्य)

२००३- नीरजा रेणु (ऋतम्भरा, कथा)

२००४- चन्द्रभानु सिंह (शकुन्तला, महाकाव्य)

२००५- विवेकानन्द ठाकुर (चानन घन गछिया, पद्य)

२००६- विभूति आनन्द (काठ, कथा)

२००७- प्रदीप बिहारी (सरोकार, कथा)

२००८- मत्रेश्वर झा (कतेक डारि पर, आत्मकथा)

२००९- स्व.मनमोहन झा (गंगापुत्र, कथासंग्रह)

२०१०-श्रीमति उषाकिरण खान (भामती, उपन्यास)

२०११- श्री उदयचन्द्र झा विनोद (अपक्ष, कविता- संग्रह)

साहित्य अकादेमी मैथिली अनुवाद पुरस्कार

१९९२- शैलेन्द्र मोहन झा (शरतचन्द्र व्यक्ति आ कलाकार-सुबोधचन्द्र सेन, अंग्रेजी)

१९९३- गोविन्द झा (नेपाली साहित्यक इतिहास- कुमार प्रधान, अंग्रेजी)

१९९४- रामदेव झा (सगाइ- राजिन्दर सिंह बेदी, उर्दू)

१९९५- सुरेन्द्र झा “सुमन” (रवीन्द्र नाटकावली- रवीन्द्रनाथ टैगोर, बांग्ला)

१९९६- फजलुर रहमान हासमी (अबुलकलाम आजाद- अब्दुलकवी देसनवी, उर्दू)

१९९७- नवीन चौधरी (माटि मंगल- शिवराम कारंत, कन्नड़)

१९९८- चन्द्रनाथ मिश्र “अमर” (परशुरामक बीछल बेरायल कथा- राजशेखर बसु, बांग्ला)

१९९९- मुरारी मधुसूदन ठाकुर (आरोग्य निकेतन- ताराशंकर बंदोपाध्याय, बांग्ला)

२०००- डॉ. अमरेश पाठक, (तमस- भीष्म साहनी, हिन्दी)

२००१- सुरेश्वर झा (अन्तरिक्षमे विस्फोट- जयन्त विष्णु नार्लीकर, मराठी)

२००२- डॉ. प्रबोध नारायण सिंह (पतझड़क स्वर- कुर्तुल ऐन हैदर, उर्दू)

२००३- उपेन्द दोषी (कथा कहिनी- मनोज दास, उड़िया)

२००४- डॉ. प्रफुल्ल कुमार सिंह “मौन” (प्रेमचन्द की कहानी-प्रेमचन्द, हिन्दी)

२००५- डॉ. योगानन्द झा (बिहारक लोककथा- पी.सी.राय चौधरी, अंग्रेजी)

२००६- राजनन्द झा (कालबेला- समरेश मजुमदार, बांग्ला)

२००७- अनन्त बिहारी लाल दास “इन्दु” (युद्ध आ योद्धा-अगम सिंह गिरि, नेपाली)

२००८- ताराकान्त झा (संरचनावाद उत्तर-संरचनावाद एवं प्राच्य काव्यशास्त्र-गोपीचन्द नारंग, उर्दू)

२००९- भालचन्द्र झा (बीछल बेरायल मराठी एकाँकी- सम्पादक सुधा जोशी आ रत्नाकर मतकरी, मराठी)

२०१०- डॉ. नित्यानन्द लाल दास ( "इग्नाइटेड माइण्ड्स" - मैथिलीमे "प्रज्वलित प्रज्ञा"- डॉ.ए.पी.जे. कलाम, अंग्रेजी)

२०११- श्री खुशीलाल झा (उपरवास कथात्रयी, रघुवीर चौधरीक गुजराती उपन्यास)

साहित्य अकादेमी मैथिली बाल साहित्य पुरस्कार

२०१०-तारानन्द वियोगीकेँ पोथी "ई भेटल तँ की भेटल" लेल
२०११- ले.क. मायानाथ झा "जकर नारी चतुर होइ" लेल

साहित्य अकादेमी युवा पुरस्कार

२०११-आनन्द कुमार झा (हठात परिवर्तन, नाटक)

प्रबोध सम्मान

प्रबोध सम्मान 2004- श्रीमति लिली रे (1933- )

प्रबोध सम्मान 2005- श्री महेन्द्र मलंगिया (1946- )

प्रबोध सम्मान 2006- श्री गोविन्द झा (1923- )

प्रबोध सम्मान 2007- श्री मायानन्द मिश्र (1934- )

प्रबोध सम्मान 2008- श्री मोहन भारद्वाज (1943- )

प्रबोध सम्मान 2009- श्री राजमोहन झा (1934- )

प्रबोध सम्मान 2010- श्री जीवकान्त (1936- )

प्रबोध सम्मान 2011- श्री सोमदेव (1934- )

प्रबोध सम्मान 2012- श्री चन्द्रभानु सिंह (1922- ) आ
श्री रामलोचन ठाकुर (1949- )

यात्री-चेतना पुरस्कार

२००० ई.- पं.सुरेन्द्र झा “सुमन”, दरभंगा;

२००१ ई. - श्री सोमदेव, दरभंगा;

२००२ ई.- श्री महेन्द्र मलंगिया, मलंगिया;

२००३ ई.- श्री हंसराज, दरभंगा;

२००४ ई.- डॉ. श्रीमती शेफालिका वर्मा, पटना;

२००५ ई.-श्री उदय चन्द्र झा “विनोद”, रहिका, मधुबनी;

२००६ ई.-श्री गोपालजी झा गोपेश, मेंहथ, मधुबनी;

२००७ ई.-श्री आनन्द मोहन झा, भारद्वाज, नवानी, मधुबनी;

२००८ ई.-श्री मंत्रेश्वर झा, लालगंज,मधुबनी

२००९ ई.-श्री प्रेमशंकर सिंह, जोगियारा, दरभंगा

२०१० ई.- डॉ. तारानन्द वियोगी, महिषी, सहरसा

२०११ ई.- डॉ. राम भरोस कापड़ि भ्रमर (जनकपुर)

भारतीय भाषा परिषद, कोलकाता

युवा पुरस्कार (२००९-१०) गौरीनाथ (अनलकांत) केँ मैथिली लेल।

भारतीय भाषा संस्थान (सी.आइ.आइ.एल.) , मैसूर रामलोचन ठाकुर:- अनुवाद लेल भाषा-भारती सम्मान २००३-०४ (सी.आइ.आइ.एल., मैसूर) जा सकै छी, किन्तु किए जाउ- शक्ति चट्टोपाध्यायक बांग्ला कविता-संग्रहक मैथिली अनुवाद लेल प्राप्त। रमानन्द झा 'रमण':- अनुवाद लेल भाषा-भारती सम्मान २००४-०५ (सी.आइ.आइ.एल., मैसूर) छओ बिगहा आठ कट्ठा- फकीर मोहन सेनापतिक ओड़िया उपन्यासक मैथिली अनुवाद लेल प्राप्त।

विदेह सम्मान

विदेह समानान्तर साहित्य अकादेमी सम्मान

१.विदेह समानान्तर साहित्य अकादेमी फेलो पुरस्कार २०१०-११
२०१० श्री गोविन्द झा (समग्र योगदान लेल)
२०११ श्री रमानन्द रेणु (समग्र योगदान लेल)
२.विदेह समानान्तर साहित्य अकादेमी पुरस्कार २०११-१२

२०११ मूल पुरस्कार- श्री जगदीश प्रसाद मण्डल (गामक जिनगी, कथा संग्रह)
२०११ बाल साहित्य पुरस्कार- ले.क. मायानाथ झा (जकर नारी चतुर होइ, कथा संग्रह)
२०११ युवा पुरस्कार- आनन्द कुमार झा (कलह, नाटक)
२०१२ अनुवाद पुरस्कार- श्री रामलोचन ठाकुर- (पद्मानदीक माझी, बांग्ला- मानिक बंद्योपाध्याय, उपन्यास बांग्लासँ मैथिली अनुवाद)
नाटक, गीत, संगीत, नृत्य, मूर्तिकला, शिल्प आ चित्रकला क्षेत्रमे विदेह सम्मान २०१२ क घोषणा

अभि‍नय- मुख्य अभिनय ,

सुश्री शि‍ल्‍पी कुमारी, उम्र- 17 पि‍ता श्री लक्ष्‍मण झा

श्री शोभा कान्‍त महतो, उम्र- 15 पि‍ता- श्री रामअवतार महतो,

हास्‍य-अभिनय

सुश्री प्रि‍यंका कुमारी, उम्र- 16, पि‍ता- श्री वैद्यनाथ साह

श्री दुर्गानंद ठाकुर, उम्र- 23, पि‍ता- स्‍व. भरत ठाकुर

नृत्‍य

सुश्री सुलेखा कुमारी, उम्र- 16, पि‍ता- श्री हरेराम यादव

श्री अमीत रंजन, उम्र- 18, पि‍ता- नागेश्वर कामत

चि‍त्रकला
श्री पनकलाल मण्डल, उमेर- ३५, पिता- स्व. सुन्दर मण्डल, गाम छजना
श्री रमेश कुमार भारती, उम्र- 23, पि‍ता- श्री मोती मण्‍डल

संगीत (हारमोनियम)

श्री परमानन्‍द ठाकुर, उम्र- 30, पि‍ता- श्री नथुनी ठाकुर

संगीत (ढोलक)

श्री बुलन राउत, उम्र- 45, पि‍ता- स्‍व. चि‍ल्‍टू राउत

संगीत (रसनचौकी)

श्री बहादुर राम, उम्र- 55, पि‍ता- स्‍व. सरजुग राम

शिल्पी-वस्तुकला

श्री जगदीश मल्लिक,५० गाम- चनौरागंज

मूर्ति-मृत्तिका कला

श्री यदुनंदन पंडि‍त, उम्र- 45, पि‍ता- अशर्फी पंडि‍त

काष्ठ-कला

श्री झमेली मुखिया,पिता स्व. मूंगालाल मुखिया, ५५, गाम- छजना

किसानी-आत्मनिर्भर संस्कृति

श्री लछमी दास, उमेर- ५०, पिता स्व. श्री फणी दास, गाम वेरमा

अनचिन्हार आखर ( http://anchinharakharkolkata.blogspot.com ) द्वारा प्रायोजित "गजल कमला-कोसी-बगमती-महानंदा सम्मान" बर्ख 2011 लेल ओस्ताद सदरे आलम गौहर जीकेँ प्रदान कएल गेलैन्ह। एहि बेरुक मुख्यचयनकर्ता ओस्ताद सियाराम झा"सरस" छलखिन्ह।..

प्रबोध सम्मान समारोह १२ फरबरी २०१२

2012-02-11T21:01:00.001+05:30

प्रबोध सम्मान समारोह १२ फरबरी २०१२

जगदानन्द झा 'मनु' कृत धारावाहिक मैथिली कथा "चोनहा"-भाग-३

2012-02-11T19:05:00.006+05:30

जगदानन्द झा 'मनु' कृत धारावाहिक मैथिली कथा

चोनहा

एक गोट एहन स्वाभिमानी किशोरक मर्म कथा,जए अपन माय-बाप कए कनिक लापरवाही कए कारण घोर अन्हार एवं अपार दर्दक दुनियाँ में चलि गेल | मुदा अपन सहाश व् कुषार्ग वुधि कए द्वारा ओ ओहि घोर अन्हार एवं दर्दक छाया सँ बाहर निकलि,एक सुखद एवं प्रकाशमान जिवन में चरण बधेलक |

पहिल दु भाग में अपने पढलौंह - कोना मासूम किशोर संजय कए असहाय माथक पीरा सँ नित्य सामना करय परैक | सब कए सब होएतो ओ निदान्त एसगर, कियोक ओकर इलाज अथवा कष्ट निवारण हेतु प्रयास नहि कएलथि | गाम सँ दिल्ली आएल मुदा सब कए सब ओनाहि, दिल्लीक गर्मी सँ पीरा में आओर वृद्धि, अपार कष्ट, मुदा सब किछ असगर सहैक लेल बाध्य | अंत में ओकरा स्वं एही बताक ज्ञान भेलैक जए ओकर आँखि बहुत कमजोर छैक परञ्च ओकर सहायता करै कए जगह ओकरा कोना 'चोनहा' नाम सँ अलंकृत कएल गेलैक | कोना एक गोट मसुम बच्चा डॉक्टर सँ चश्मक नम्बर आनि अपन बाबुजी कए देलक, ओकर बादो चश्मा नहि बनि पएलै | अनायास एक दिन चश्मा दुकान देखला बाद ओ कोना स्वं चश्मा बनाबैक निश्चय केलक | कोना ओ वर्तमानक सुख व् सोख कए मारि कs एक-एक पाई चश्मा बास्ते जमा करै लागल | आब आँगा ----

*********************************************************************************

भाग-३

सब मिला कs डेढ़ सय रुपैया जमा करै में संजय कए पाञ्च महिना लागि गेलै | नम्बर लेलाक एक डेढ़ महिना बाद सँ ओकर मोन में पाई जमा करैक बात एलै | कुल मिला कs चश्मक नम्बर अनला छ महिना भs गेलै | मुदा संजय लग एखन तक मात्र डेढ़ सय रुपैया जमा भेलै | ओकर लक्ष्य त दु सय रुपैयाक रहै, मुदा आगुक पचास रुपैयाक बास्ते पता नै कतेक समय आरो लगै | ताँइ ओ निश्चय कएलक जए एतबे सँ दुकान जए, कम भेलै तs आगु देखल जेतै |

अगिला दिन संजय स्कूलक तिफिने में, स्कुल सँ लालकिला कए बस पकैर कs चाँदनी चौक चश्मा दुकान कए हेतु बीदा भेल | पाञ्च महिना पहिले आएल छल, ताहि कारण किछु दिक्कत सेहो भेलै मुदा पहुँच गेल |

जाहिखन दुकानदार कए चश्माक नम्बर बला पुर्जा देलकै तs दुकानदार देखते बाजल -

"इ तs बड्ड पुरान नम्बर अछि, डॉक्टर सँ नबका पुर्जा बनबा कs लय आबु, किएक त नम्बर बढ़ैत रहैत छैक आ छह महिना तs बहुत बेसी समाय भेलैक |"

दुबारा पुर्जा बनाबै कए निश्चय करैत संजय दुखी मोने ओहिठाम सँ चलि आएल | आई प्रथमे कएतौ बाहर असगरे निकलल रहए, असुबिधो भेलैक | सब सँ बेसी ओकरा बसक नम्बरे नहि सुझाई तैं रैह-रैह कs सब सँ पुछअ परै, कोनोना घर तक सकुशल आएल |

पुनः भोरे-भोर संजय पाहिले जकाँ, रोट्री क्लब संचालित आँखिक अस्पताल त्रिलोकपुरी तिन ब्लोक पहुँचल | तिन दिनक हरानी कए बाद चश्माक नव नम्बर भेटलैक, मुदा जए छह महिना पाहिले माइनस तिन रहैक से आब ठामें दुगुन्ना माइनस छह भs गेलैक | छह महिना में एतेक नम्बर बढ़नाइ एही बताक अंदाजा लगाएल जा सकै छै जए ओकर आँखि कतेक बेसि खराब रहैक वा कतेक बेसि गति सँ खराप भय रहल छैक |

डॉक्टर तs संजय कए एही बात सँ पहिले अबगत करा देने रहथि आ चश्मा तुरँत बनाबैक हिदायत से देने रहथि | मुदा बिधि कए जए मन्जुर |

अगर आबो अपने नहि सचेत होयते तs आगुक छह महिना में आन्हरे भs जाएत | संजय कए आब बरहल नम्बर कए जानि बर चिंता होबए लगलै | अगिला दिन ओ स्कुलो किएक जाएत, किताबक झोरा लेन्हें सोझें चाँदनी चौक चश्माक दुकान पर पहुँचल | चश्माक नव नम्बरक पुर्जा दुकानदार कए देलक | ओकर आँखिक एतेक नम्बर देखि दुकानदार आश्चर्य सँ -

"हाँ एतेक बेसि नम्बर, अहींक छी की ? "

"हाँ" - संजय धीरे सँ बाजल |

दुकानदार - "किएक एहि सँ पाहिले नहि देखेने रहि की ? इ त साफ-साफ लापरबाहि कए लक्षण थिक - - - माँ बाबुजी नहि छथि की ? ओ हो भगवान एहेन ककरो- - -"

"नै-नै एहन कोनो बात नहि "- दुकानदारक बात बिचे में रोकैत संजय बाजल |

दुकानदार सेहो अपन बात कए विराम दैत, अलग-अलग डिजाईन कए फ्रेम निकालि-निकालि कs देखाबय लागल आ संगे-संगे ओकर दाम सेहो बताबय लागल | फ्रेम सब पर एक नजैर दैत संजय बाजल -

"हम बिद्यार्थी छी आ हमरा लग कुल डेढ़ सय रुपैया अछि, एही दाम में कोनो मजबूत आ टिकाऊ फ्रेम देखाबु |"

"ठिक छै " - कहैत, दुकानदार सेफ कए एक कोना सँ एकटा साधारण परञ्च मजबूत फ्रेम निकालि कs दैत बाजल -

"इ लिय अहाँ एहेन बच्चा लेल इ बहुत उचित छै, मजबूत टिकाऊ आ दामो मात्र पछ्तरे रुपैया, पचास रुपैया कए सीसा अर्थात कुल सबा सय रुपैया लागत |"

"ठिक छै एकरे बना दिय |"- संजय खुसि सँ बाजल, किएक तs ओकरा अंदेसा छलैक रुपैया कम होएत, आ कतय पचीस रुपैया बैंचे गेलैक |

दुकानदार - "ठीक छै तs पाई जमा कय दियोउ, काइल्ह आबि कs चश्मा लय जायब |"

संजय दुकानदार कए एक सय पचीस रुपैया देलाबाद बिल लय ओहिठाम सँ बिदा भs गेल | बिल पर देखलक दुकानक नाम 'लक्ष्मी आप्टिकल' लिखल रहैक | साइन-बोर्ड पर लिखल नाम तs ओकरा सुझले नहि रहै |

बस पकैर घर आएल | आई ओकर मोन किछ शांत रहैक | घर पर इ बात सब केकरो लग नहि बाजल | ओकर मोन में तs हलचल मचल रहैक कखन भोर होई आ जल्दी-जल्दी चश्मा आने |

भोरे संजय उठी सब दिन जेकाँ नहा-सुना कs स्कुल गेल | स्कुल कए छुट्टी भेला बाद, सोझे स्कूले सँ लालकिला कए बस पकैर कs चश्मा लेल चाँदनी चौक बिदा भs गेल | चश्मा दुकान पहुँचल, ओकर चश्मा बनि चुकल छलै | चश्मा देखला बाद दुकानदार कए कहलाउत्तर लगाओ कs देखलक |

इ की चश्मा लगेला सँ ओकरा एक नव दुनियाँक दर्शन भेलैक | सब किछु नव-नव | ओ सामने रोडक ओई पारक दुकान सब, दुकान कए भीतर राखल समान सब, दुकान सबहक साईन-बोर्ड पर लिखल अक्षर सब एकदम साफ-साफ बिलकुल स्पस्ट देखा रहल छलैक | एके मिनट में आई ओकरा ज्ञात भेलैक जए इ महानगर कतेक सुन्नर छैक, जए की आई सँ पहिले कहियो नहि देखने छलै |

लगले ओ अपन आँखि सँ चश्मा निकालि कs खोल में रखैत जेबी में राखि लेलक | किएक तs बिना चश्माक आ चश्मा पहिरलाक बादक दुनियाँ कए सन्तुलन करै में किछु तs समाय लगतै | चश्मा पहिरला बाद सबटा नव-नव लगै, जए-जए बस्तु सब देखाई से-से सब कहियो ओ अनुभबो नहि केने | एही दुरी कए भरै में तs किछ समय, एक दु दिन तs लगबे करतै | दोसर, दुकान तक बिना चश्मा कए आएल छल आब पहिर कs नव दुनियाँ संगे जए में असुबिधा छलै | दुकान सँ बाहर निकैल बिना चश्मेक बस स्टेंड तक आयल |

आब कोन बस पर चढ़े ? की ओकरा चश्माक यादि एलेक, चश्मा निकालि कs लगेलक, की ओकर आश्चर्यक सीमा नै रहलैक जतए बिना चश्मा कए सामने ठार बसक नम्बरों नै सुझै छलैक ततए चश्मा पहिर कs समूचा रोड पर जतेक बस गाड़ी रहैक सबहक नम्बर पैढ़ सकै छल |

ओकर मोन इ नव बस्तु सब देखक आनन्दबिभोर भय गेलैक | पाँछा घुमि कs देखलक त सामने छाती तन्ने ठार, विशालकाय लाल पाथर सँ निर्मित सुन्नर लालकिला देखलक, लालकिला कए सुन्नरता एवं मनमोहकता देखकय ओ मन्त्रमुग्ध रहि गेल | किएक त पहिले बिना चश्मा कए त खाली लाल-लाल धुंद जकाँ किछु छैक सेहटा देखाई दै | असली लालकिला त आई चश्मा पहिरलाबाद देखलक | ताबत सामने दूर सँ ओ देखलक, ओकर बस आबि रहल छै, मुदा चश्मा पहिरबाक आदत नहि रहबा कए कारण चलै में असुबिधा होई तैं फेर सँ चश्मा खोलि जेबी में रखलक आ बस पर बैसल | बस पर बैसला बाद फेर सँ चश्मा निकालि, एकबेर लगाबे एकबेर निकाले अन्त में चश्मा निकालि खोल में दय, बस्ता में राखि लेलक ताबत में बस सेहो चलय लगलै |

बस चैल रहल छलैक, आ संजय कए मोन में सोचक भंवर उठय लगलै -

"एही सबा सय रुपैयाक चश्मा कए अभाबे हमरा एतेक कष्टक सामना करय परल | नहि खला सकै छलौंह , नहि बस पर चैढ़ सकैत छलौंह , नहि ब्लैक बोर्ड पर लिखल हिसाब देख सकैत छलौंह, नहि नीक जँका किताब पैढ़ सकै छलौंह , नहि टी वि देख सकै छलौंह | पढ़ाईयो में दिन-दिन पिछरल जा रहल छलौंह | मुदा माँ बाबुजी एही बात पर कोनो ध्यान नहि देलनि | एक बेर तs चश्माक नम्बरों आनि कय देलियैंह मुदा धन-सन कोनो कान-बाट नहि | कोना- कोना कुन-कुन हिसाबे अपने एक -एकटा पाई जोरि कs पाञ्च महिना में इ रुपैया जमा केलहुँ |"

बिचारक मंथन में डुबल कोना समय बीत गेलै, कोना बस अपन गंतब्य स्थान तक आबि गेलैक, संजय कए किछु ज्ञात नहि ओ तs अपन ध्यान में डुबल रहे, जखन सब बस सँ उतैर गेलैक तखन ओकर ध्याकं खुजलै आ ओ बस सँ उतरल |

बस सँ उतरला बाद, पएरे चलैत ओकर मोन एक बेर फेर सँ नव समस्या में ओझरए लगलै -

"चश्मा त लय अनलौं, आब घर में की कहबै? कतए सँ चश्मा अनलौं? रुपैया कतए सँ अनलौं? कए बना देलक ? "

आन-आन सबाल-जबाब सब ओकरा मोन में अबै जाई | रस्ता ख़त्म घर आबि गेलै | खेलक-पिलक मुदा ओकर मोन त एही प्रश्नक उत्तर खोजै में लागल रहैक की -"घर में चश्मा की कहि कs देखएबै ?"

समय बितलैक, साँझ परलै संजय सेहो नव मोर्चा सम्भालैक किछु उपाय सोचलक |

संजय कए बाबुजी सेहो ड्यूटी सँ एलाह, नितकर्म सँ निवृत भेलाबाद माँझ आँगन में खाट पर बैसलाह | संजयक माय व् छोट दुनु भाई हुनके चारुकात बैसल | संजय सेहो अपन जेबी में चश्मा रखने ओहिठाम बैसल, मुदा बाहर निकालि कs देखेतै से हिम्मत कए अभाब | आन-आन गप सब होइत रहैक, ताहि बिचमे संजय बहुत आत्ममंथन व आत्मदृढ़ता कए बाद अपन सम्पूर्ण सहास कए जुटाबैत जेबी सँ चश्मा निकालि बाबुजी कए देलकैन्ह |

बाबुजी चश्मा कए हाथ में लैत -"की छैक "

"चश्मा" संजय धिरे सँ माथ झुकोने बाजल, आगु अपन सेफ कए गरदैन सँ निचा घोंटैट बाजल - "आइ फेर सँ स्कुल में डॉक्टर आएल रहैक, हमर चश्मा नै बनल ताहि कारण बहुत बाजल, कहलक पहिले सँ दुगुना बेसि आँखि खराब भय गेलैए, अंत में ओहे डॉक्टर अपने लग सँ चश्मा देलक |" इ बात ओ एतेक फटाफट बाजल जेना कियो गोटा ड्रामा में रटल- राटायल शब्द फटाफट बाजि जाइये |

हलाँकि ओ उपरोक्त सब बात फुसिए बाजल, किएक त बच्चाक मोन अपने ओतेक कस्ट सहि चश्मा बनबेलक मुदा ओकरा सामने आनै लेल किछु नै किछु तs कहैए परतैक | झूठो बाजि कs अपन आँखिक रक्षा केलक | जए काज ओकर माय-बाबु कए करए चाहियैंह से काज ओ मासुम बच्चा अपने कएलक मुदा इ कोनो एतेक भारी झूठ नहि भेलै जए पकरल नहि जए | चश्माक खोल पर साफ-साफ दुकानक नाम पत्ता लिखल रहैक, लक्ष्मी ओप्टिकल, दुकान नम्बर फलाँ-फलाँ - - - चाँदनी चौक दिल्ली छह | आ इ कियो एक गोट सामान्य बुद्धिक व्यक्ति जनै छै जए एक निजी दुकान मंगनिमे चश्माक वितरण किएक करतैक, कोनो सरकारी या धर्मार्थ संस्थाक नाम होएतैक तs कनि बिस्बासो कएल जा सकै छलैक | मुदा एहिठाम एहन कोनो बात नहि |

दोसर चश्मा बनेनाइ कोनो चुटकी कए काज तs नहि छैक ? नम्बरक सीसा कए काटि-छाँटि कs,घैन्स कs फ्रेम कए मुताबिक बनेनाइ,जए की एक गोट वर्क-शॉप में भय सकैत छैक, नै की कोनो डॉक्टरक जेबी में | परञ्च बाबुजी कए संजयक बात पर बिश्बास भय गेलैन | सैदखन पहिरै कए निर्देश दैत, बस ! आगू कोनो बात-चित नहि |

कनिकाल लेल मानि लेल जए, छह महिना पहिले जखन संजय हुनका हाथ में चश्मा कए नम्बर दएने रहैन तखन ओ कोनो कारने चश्मा नहि बना पएलनि, मुदा आबो त सामने देख रहल छथिन जए कतेक मोटक सीसा कए चश्मा ओकर आँखिक उपर छै | आबो त अपन पहिलुक गलती सुधारि सकै छलैथ | कतौ कनि निक डॉक्टर सँ ओकर आँखिक इलाज करा सकै छलैथ | दिल्ली में त एक सँ एक पैघ-पैघ अस्पतालक लाइन लागल छैक | कतय धिया-पुता कए आँखि में एकटा कीड़ा पैर जाएत छैक त ओकर माय-बाप कए आत्मा तर्पय लगै छैक, आ कतय एक गोट माय-बाप कए बच्चाक आँखिक ऊपर माइनस छह कए चश्मा लागि गेलै आ धन-सन |

आब संजय सैदखन आँखि सँ चश्मा लगोने रहे, स्कुल, हाट-बाजार,रस्ता-घाट कतोउ बिना चश्माक नहि जए | पहिले दु-चारि दिन किछु असुबिधो भेलैक, मुदा बाद में अभ्यास भय गेला पश्चात सब ठिक | चौबीस घंटा में जेतबे काल राति में सुतल तत्बेकाल ओकर आँखि सँ चश्मा निकलै, कहियो क त चश्मे पहिरने सुतियो रहे |

संजय कए चश्मा लेला पुरे दु वर्ष भय गेलैक, आ आइये ओकर दसम वर्गक परीक्षा परिणाम घोषित भेलैक ओ नीक अंक सँ पास केलक | परीक्षा परिणाम जनलाबाद ओकर मोन रिजल्टक चिंता सँ किछु हल्लुक भेलैक,किछु शांति सँ बैसल रहए की ओकर मोन रूपी घोरा, जीवनक सात-आठ वर्ष पाछु चैल गेलैक | कोना- कोना ओकरा कष्टकारी माथ दर्द होई, कोना गाम पर माथ दर्द सँ अँगना में ओंघडिया मारए आ कियो ओकरा देखनाहर नहि | दिल्ली आएल मुदा दिल्लीयो में इ जानलेबा असहाय माथ दर्द कोनो कम नहि, दिन सँ दिन बेसिए परेसान केलकै |

कि एकाएक ओकर मानसपटल पर कतौ सँ अबाज एलै -

" ई की बहुतो दिन सँ तs माथ दुखेबे नहि केलक, कहिया सँ, दु वर्ष सँ, हाँ -हाँ दुवे वर्ष सँ, जहिया सँ चश्मा लेलौंह तहिये सँ, हाँ-हाँ जखन सँ चश्मा पहिरब सुरु कएलौंह तखने सँ इ असहाय जानलेबा माथ दर्द ठिक अछि | इ दु वर्ष में एको बेर माथ दर्द नहि भेल | त कि जए एतेक असहाय माथ दर्द सात-आठ वर्ष वा ओहु सँ पहिले सँ होई छल से आँखिक कमजोरिक कारने, हाँ ! शायद -- शायद कि पक्का - - पक्का हाँ ! आँखिक कमजोरिक कारने ओतेक माथ दर्द होएत छल |"

जान लेबा माथ दर्द ओकर सुमरण मात्र सँ सनजय कए समुचा देह में कपकपी भय गेलै | जेना-जेना आँखिक कमजोरी बढ़ल जए तेना-तेना ओकर माथक दर्द बिकराल रूप धारण केने गेल रहै | मुदा कियो कोनो डॉक्टर सँ देखाबय बला नहि | इ बात सब सुमैरते ओकर दुनु आँखि सँ नोरक धारा बहए लगलैक | मुदा तैयो ओकर सोचक बिराम नहि होई छैक, ओकर बिचार रूपी घोरा लगातार अपन पथ पर सरपट दौर रहल छैक -

"आह ! अगर सात-आठ वर्ष पहिले, कम सँ कम दिल्लीयो एला बाद कोनो नीक डॉक्टर सँ हमर माथ दर्दक इलाज भेल रहिते, त किएक ओ ओतेक कष्ट व् पीड़ा सहय परितए, आ किएक आई एतेक मोट सिसाक चश्मा आँखि पर पहिरए परितए, जएकर बिना कि एक तरहे आन्हरे छी | इ कएकर दोष ? हमर ? हमर समाज कए ? हमर माय-बाप कए ? कि हमर कपार कए ? यदि एतबो पर हम अपने नहि सचेत भेल रहितौं त आई दसवी पास करै कए जगह एक भयंकर अन्हारक दुनियाँ में विलीन भय गेल रहितौ |"

संजय कए विचारक घोरा बिराम लेलकै कि नहि ? मुदा समाज कए सामने एकटा यक्ष प्रश्न छोरि गेलैक-

माय-बाप कए कर्तव्य अपन संतानक प्रति की हेबा चाहि ? भोजन,कपड़ा-लत्ता - - -की आगुओ किछ ? आगु की -की ? ? ?- - -

*************************************

मिथिला हाट

2012-02-10T18:52:00.000+05:30

सबटा सामान लअके हाजिर अछि अपनेक नगरी में http://www.mithila-haat.कॉम एक बेर आओ और देखू तहन खरीदू या आडर करू

Kishore Thakur ke dwara -

सानुनय विनीत निवेदन -
प्रिय सुधिजन,
प्रत्येक ग्रुप के निर्माण के पाछू निर्माताक जनहित उद्देश्य निहित होइत छैक, एकरा व्यर्थ नई होमय दी I मिथिला, मैथिली और मैथिल से सम्बंधित जतेक ग्रुप अछि ओहि पर पोस्ट करबा काल निम्न बातक ध्यान अवश्य राखी -
१. की अपनेक पोस्ट ओहि ग्रुपक उद्देश्य के दिशाहीन/शक्तिहीन त' नई बना रहल ?
२. की अपनेक पोस्ट ग्रुप के उद्देश्य में नव शक्ति प्रदान क' रहल ?
३. की अपनेक पोस्ट कोनो दृष्टिकोण सँ मिथिला, मैथिली और मैथिल सँ सम्बंधित अछि ?
४. अपनेक पोस्ट या त' स्वरचित अथवा अन्यान्य द्वारा रचित किन्तु - मिथिला हित के हो यथा - website / blog / group / page / thoughts तखने टा पोस्ट करी I

मिथिला हित में .......
-------------------------------------------------------------------------

विदित हो,
मिथिला-हाट संपूर्ण मैथिल स्टोर, पहिल आ अद्वितीय मैथिल उत्पाद के विपणन हेतु संस्था अछि जाहि ठाम मिथिला क पाँच तरहक उत्पाद ऑनलाइन अथवा ऑफलाइन माध्यमें कीनल जा सकैत अछि -
मिथिला - पोथी =
मिथिला, मैथिली अथवा मैथिल सँ कोनो तरहे सम्बंधित जे कोनो भाषा में पोथी आ पत्रिका ..
मिथिला - कला =
मिथिलाक सुवासित लोक-कला क सभ रूप जेना - मिथिला पेंटिंग्स, मञ्जूषा कला, सिक्की कला, बांस क उत्पाद इत्यादि ..
मिथिला - शुभ संस्कार सामग्री =
मैथिल समाज के सभ वर्णक सभ शुभ संस्कार आ पावनि-तिहार यथा - उपनयन, कन्यादान, बरसाइत, मधुश्रावणी, कोजागरा, छईठ, सामा चकेवा इत्यादि में प्रयोजनीय बस्तु ..
मिथिला - ऑडियो - विडियो =
मिथिला आ मैथिली सँ सम्बंधित सभ तरहक उपलब्ध भाषा में ऑडियो आ विडियो, आ
मिथिला - आहार =
मिथिलाक पारंपरिक भोज्य सामग्री जेना अरिकोंच(बीड़िया), अदौरी, तिसियौरी, चरौरी, मखान इत्यादि ..
--------------------------------------------------------------------------
जल्दिये अपनेक सेवा में -

ऑनलाइन कीनबा लेल log in करी - www.mithila-haat.com
राष्ट्रीय राजधानी क्षेत्र में रहनिहार दिल्ली पछिम ( DELHI WEST) स्टोर पर सँ लाभ उठा सकै छैथि ..
दिल्ली पछिम स्टोर ठेकाना -
शॉप A -10 , मेट्रो बाज़ार, नांगलोई मेट्रो स्टेशन, नव दिल्ली - 110 041 ( opening very shortly )
दिल्ली पूब ( DELHI EAST) स्टोरक प्रावधान सेहो ....
हेल्पलाइन - +91 900 77 24 365

गजल

2012-02-10T18:23:00.002+05:30

चढल फागुन हमर मोन बड्ड मस्त भेल छै।
पिया बूझै किया नै संकेत केहन बकलेल छै।

रस सँ भरल ठोर हुनकर करै ए बेकल,
तइयो हम छी पियासल जिनगी लागै जेल छै।

कोयली मधुर गीत सुना दग्ध केलक करेज,
निर्मोही हमर प्रेम निवेदन केँ बूझै खेल छै।

मद चुबै आमक मज्जर सँ निशाँ चढै हमरा,
रोकू जुनि इ कहि जे नै हमर अहाँक मेल छै।

प्रेमक रंग अबीर सँ भरलौं हम पिचकारी,
छूटत नै इ रंग, ऐ मे करेजक रंग देल छै।
सरल वार्णिक बहर वर्ण १८
फागुनक अवसर पर विशेष प्रस्तुति।

कोसी महासेतुक उद्घाटन भेल, निर्मलीमे विदेह गोष्ठीक निर्णयक हिसाबे हस्ताक्षर अभियान कऽ प्राथमिक आ मध्य विद्यालयमे मैथिली माध्यमसँ शिक्षा लेल स्मार-पत्र देल गेल (रिपोर्ट उमेश मण्डल)

2012-02-08T22:48:00.001+05:30

-कोसी महासेतुक उद्घाटन भेल,

-निर्मलीमे विदेह गोष्ठीक निर्णयक हिसाबे हस्ताक्षर अभियान कऽ प्राथमिक आ मध्य विद्यालयमे मैथिली माध्यमसँ शिक्षा लेल स्मार-पत्र देल गेल।

-माननीय मुख्‍यमंत्री श्री नीतीश कुमार (बि‍हार सरकार) केँ आइ दि‍नांक 08/02/2012केँ मि‍थि‍लांचलक प्राथमि‍क आ मध्‍य वि‍द्यालयी शि‍क्षा माध्‍यम मैथि‍ली भाषा लेल स्‍मार पत्र देल गेलनि‍। अवसर छल मझारी कोसी महासेतुक उद्घाटन समारोह जे नि‍रमली कॉलेज नि‍रमली परि‍सर, जि‍ला- सुपौल (बि‍हार)मे आयोजि‍त छल।

गजल

2012-02-07T18:50:00.002+05:30

चलल बाण एहन इ नैनक अहाँक, मरलौं हम।
सुनगल इ करेज हमर सिनेह सँ बस जरलौं हम।

भिडत आबि हमरा सँ, औकाति ककरो कहाँ छै,
जखन-जखन लडलौं, हरदम अपने सँ लडलौं हम।

हम उजडल बस्ती बनल छी अहाँक इ सिनेह सँ,
सिनेहक नगर मे सदिखन बसि-बसि उजडलौं हम।

हम तँ देखबै छी अपन जोर मुँहदुब्बरे पर,
कियो जँ कमजोर छल, पीचि कऽ बहुत अकडलौं हम।

अहाँ डरि-डरि कऽ देखलौं जाहि धार दिस सुनि लिअ,
सब दिन उफनल एहने धार मे उतरलौं हम।
फऊलुन (ह्रस्व-दीर्घ-दीर्घ)--- ५ बेर प्रत्येक पाँति मे।

2012-02-07T10:46:00.002+05:30

गीत @प्रभात राय भट्ट

गीत

यौ पिया मारु नै जुल्मी नजरिया

की लच लच लचकय मोर कमरिया //२ मुखड़ा

हमर मोन नै बह्काबू यौ पिया

रखु अहां अपना दिल पर काबू

कोमल कोमल अंग की मोर बाली उमरिया

थर थर कापे देह की धक् धक् धरके जिया

ऐ धनी लचकाबू नै पतरकी कमरिया

की मोन भेल जैय हमर बाबरिया

देख अहाँक सोरह वसंतक चढ़ल जवानी

धनी बहकल जैय हमरो जुवानी

यौ पिया हम सभटा बात बुझैतछि

हमरा संग अहां की की कS र चाहैतछि

छोड़ी दिय ने आँचर पिया

की धक् धक् धर्कैय हमर जिया

एखन नै जाऊ सजनी छोड़ी कें

हमर मोनक उमंग झकझोरी कें

ये गोरी आब एतेक नै नखरा धरु

की झट सं प्रेमक मिलन करू

रचनाकार:-प्रभात राय भट्ट

हे मैथिल नारि

2012-02-07T10:24:00.000+05:30

आइ हम अपन ओ कविता प्रस्तुत कए रहल छी जे की दरभंगासँ प्रकाशित पत्रिका " हाल-चाल" केर अप्रिल-मइ 2006 केर अंकमे प्रकाशित भेल छल।

हे मैथिल नारि

उठू-उठू हे मैथिल नारि

बढ़ू-बढ़ू हे मैथिल नारि

करबाक अछि मैथिली सेवा

इ लिअ मन अवधारि।।

नहि सहू अपमान चुपचाप अहाँ

नहि सहू मिथिविरोध चुपचाप अहाँ

देखि मातृभूमि-भाषाकेँ नग्न

नहि बैसू चुपचाप अहाँ।।

इ मैथिलीक नहि अहाँक अपमान अछि

इ मिथिलाक नहि अहाँक अपमान अछि

इ सीता-गार्गी-मैत्रयी-भारती-कुसुमा

माँजरि-लखिमाक नहि अहाँक अपमान अछि।।

हे मैथिल नारि कही हम पुकारि

अहूँ आउ अपन बच्चोकेँ लाउ

प्रज्वलित करू सभ मीलि आगि

बच्चोमे मातृभूमिक मान जगाउ।।

मोन राखू जकरा अपन मातृभूमिक गर्व नहि

से अहाँक मान राखत कोना

जकरा अपन मातृभाषाक चिन्ता नहि

से अहाँक दूधक शान राखत कोना।।

हे मैथिल नारि इ लिअ विचारि

बच्चाक गुण लेल माए अबलंब छै

होइत छै बच्चेसँ मातृशील रक्षा

इएह तँ दूधक संबंध छै।।

मोन राखू होइत छै सिंघिनकेँ एकटा पुत्र

तँ ओ निश्चिन्त सुतैत अछि

होइत छै गदहीकेँ हजार संतान

तैओ धोबीक कपड़ा ओ उघैत अछि।।

हे मैथिल नारि बनू बिहाड़ि

उड़ा दिऔ पाप महलकेँ

भरू आगि बच्चा सभकेँ

जरा दिऔ मैथिलीक शत्रुकेँ।।

गजल

2012-02-06T18:37:00.000+05:30

अहाँ केँ हमर इ करेज बिसरत कोना।
छवि बसल मोन मे आब झहरत कोना।

हवा सेहो सुगंधक लेल तऽ जरूरी,
बिन हवा फूलक सुगंध पसरत कोना।

अहीं टा नै, इ दुनिया छै पियासल यौ,
बिन बजेने इ चान घर उतरत कोना।

जवानी होइ ए नाव बिन पतवारक,
कहू पतवारक बिना इ सम्हरत कोना।

हमर मोन ककरो लेल पजरै नै ए,
बनल छै पाथर करेज पजरत कोना।
मफाईलुन (ह्रस्व-दीर्घ-दीर्घ-दीर्घ) ३ बेर प्रत्येक पाँति मे।

2012-02-06T13:24:00.001+05:30

गजल@प्रभात राय भट्ट

गजल

चंचल मोनक भीतर परम चैतन्य उर्जा सुषुप्त भेल अछि

मोह लोभ क्रोध रिस रागक तेज सं आत्मा सुषुप्त भेल अछि

दुष्ट मनुख आतुर अछि करैए लेल मनुखक सोनित पान

दानवीय प्रबृति केर दम्भ सं मानव रूप विलुप्त भेल अछि

जन्मलैत छलहूँ बालेश्वर, कुमारी कन्या पूजैत छल संसार

आयु बढ़ैत सभ सुमति बिसारि कुमति संग गुप्त भेल अछि

स्वार्थलिप्सा केर आसक्त मनुख जानी सकल नहीं जीवन तत्व

परालौकिक परमानन्द बिसारि सूरा सुंदरी में लिप्त भेल अछि

दुर्जन बनल संत चरित्रहीन महंथ बदलैत ढोंगी रूप

अकर्मनिष्ठक कुकर्म सं गुण शील विवेक सुषुप्त भेल अछि

....................वर्ण-२४......................................

रचनाकार:-प्रभात राय भट्ट

कविता-हम एहन किएक छी ?

2012-02-06T13:10:00.002+05:30

हम एहन किएक छी ?

माटि-पानि छोरि क

जाति-पाति पर लडैत किएक छी ?

हम एहन किएक छी ?

आएल कियो हाँकि लेलक

जाति-पाति पर बँटि देलक

ऊँच-निच कए झगरा में

अपन विकास छोरि देलौंह

हम एहन किएक छी ?

कए छी अगरा

कए छी पछरा

सब मिथिलाक संतान छी

फोरि कपार देखु त

सबहक सोनित एके छी

हम एहन किएक छी ?

मुठ्ठी भरि लोक

अपन स्वारथक कारणे

अपना सब कए

तोर रहल अछि

मोर रहल अछि

जाति पाति में उलझा कय

मिथिलाक विकास रोकि रहल अछि

धरति कए कोनो जाति है छै ?

मायक कोनो जाति है छै ?

त हम सब सन्तान

बटेलौंह कोना ?

हम एहन किएक छी ?

आबो हम सँकल्प करि

जाति-पाति पर नहि लरि

अपन मिथला हमहि संभारब

सप्पत मात्र एतबे करि

हम एहन किएक छी ?

*********जगदानंद झा 'मनु'

2012-02-05T13:57:00.002+05:30

गजल@प्रभात राय भट्ट

गजल:-

एकटा स्वपनपरी हाथ लेने गुलाब छै

चन्द्रमा सन मुह पर लगौने नकाब छै

रौशनी नुकाबी से नकाबक ऑकाद कहाँ

पारदर्शी चेहरा पर धेन आफताब छै

बिजलीक छटा सावन भादवक घटा छै

सोरह वसंतक जोवन पिने सराब छै

मदिरा में कहाँ जे हुनक अधर में मात

मातल जोवन रस छलकौने सराब छै

हुनक नयन मातली लगैछ मधुशाला

ठोरक पियाला में ओ जाम धेन वेताब छै

जाम पिबैलेल कतेको दीवाना बेहाल छै

रोमियो मजनू सब हाथ लेने गुलाब छै

हुनक जोवंक महफिल राग सजल छै

ओ श्रिंगार रासक गजल नेने किताब छै

..................वर्ण १६ ....................

रचनाकार:-प्रभात राय भट्ट

गजल

2012-02-03T19:29:00.000+05:30

अन्हारक की सुख बुझथिन इ इजोतक गाम मे सदिखन रहै वाला।
दुखे केँ सुख बना लेलक करेजक घातक दुख चुपे सहै वाला।

जमानाक नजरिक खिस्सा बनल ए आब तऽ करेज हमर सुनू यौ,
हुनकर नजरि कहाँ देखलक हमर करेजक इ शोणित बहै वाला।

कहै छै लाजक नुआ मे मुँह नुकौने रहल दुनियाक डर सँ अपन,
इ रीत अछि दुनियाक, तऽ एतऽ किछ सँ किछ कहबे करतै कहै वाला।

करू नै प्रकट अपन सिनेह मोनक, यैह हमरा ओ कहैत रहल,
किया हम राखब उठा केँ समाजक जर्जर रिवाज इ ढहै वाला।

अहाँ डेग अपन उठेबे करब कहियो हमर मोनक दुआरि दिसक,
बहुत "ओम"क बहल नोर, दुखक गरम धार मे गाम इ दहै वाला।
मफाईलुन (ह्रस्व-दीर्घ-दीर्घ-दीर्घ) ५ बेर प्रत्येक पाँति मे।

गजल-जगदानंद झा 'मनु'

2012-02-03T17:12:00.004+05:30

हमर अहाँक संग भेल

सवय संसार तंग भेल

रहल शराब निसा नहि

एकर कतेक रंग भेल

परल मचान पर छलौं

अपन चुमान संग भेल

अपन पबैत संग छलौं

सगर कपार चंग भेल

भरल एतेक रंग देख

हमर करेज दंग भेल

***

मिथिला विभूति

2012-02-02T09:40:00.000+05:30

मिथिला विभूति

स्व. ललित नारायण मिश्र'क क 90वीं

जयन्ती(2 फरवरी 2012) पर विशेष:-

मैथिला विभूति ओ राजनीतिज्ञ आओर प्रशासक

स्व ललित नारायण मिश्रक सभसँ पैघ

विशेषता छल- हुनक आत्मीयता । ओ किनको सँ

खुशी पूर्वक भेँट करैय छलाह । भेंट करैय बाला सँ

हुनक व्यवहार अतेक स्नेहपूर्ण ओ निश्छल होइत

छल जे सभ कियो हुनक मधुर स्मृति लएकेँ

विदा होइत छलाह ।

ललित बाबू रेलमंत्रीक रुपमे विकट समस्याक

सामना केने छलाह । कर्मचारी सभ
द्वारा नियमक अनुसार काज करैयक नीति आओर
बहुत पैघ स्तर पर हड़तालक सिलसिला भारतीय
रेलक अंग बनि गेल छल । बिजलीक अभाव , रौदी ,
तेलक संकट आदिकेँ कारणे
विश्वव्यापी मुद्रास्फीतिक शिकार भारतीय
रेल सेहो भेल । एहन घोर सँकटक कालमे ललित
बाबू दृढता संग रेलक संचालन केला । भारतीय
रेलकेँ वित्तीय स्थिति सुधारैय खाति ललित बाबू
किछु कठोर ओ अलोकप्रिय कदम सेहो उठेला ।
तथापि जनताकेँ बीच लोकप्रिय ओ प्रसिद्ध
रेलमँत्री आओर नेताक रूपमे प्रतिष्ठापित भेला ।
एहि सँ हुनक प्रशासनिक बुद्धि आ राजनीतिक
कुशलताक परिचाय भेटैत अछि ।

तत्कालीन
रेलमंत्री कमलापति त्रिपाठी 1975-76क
बजट अनुमान प्रस्तुत करैत ललित बाबूकेँ
श्रद्धांजलि अर्पित करैत कहने छला "मेरे सुयोग्य
पूर्ववर्ती ललित नारायण मिश्र ने रेलों के
इतिहास के घोर संकट काल में जिस कौशल व
सँकल्प का परिचाय दिये , वह अविस्मरणीय है ।
पिछले दो वर्षोँ में रेल को न केवल औद्योगिक
संबंध मेँ , बल्कि वित्तीय समार्थ्य के मामले में
भी बड़ी विषम
परिस्थियों का समाना करना पड़ा है ।"

1965क बाद देशक राजनीति खासकेँ बिहार ओ
मिथिलाकेँ राजनीतिमे ललित बाबूक रचनात्मक
योगदान स्मरणीय अछि । निष्ठावान
राजनीतिक जँका ललित बाबू जीवन पर्यँत देशक
स्थिरता आओर नेतृत्वकेँ सुदृढ करैयमे महत्वपूर्ण
भुमिका निभेलैत ।
ललित बाबू मिथिला लेल प्राण ओ आशा छलैत ।
मुदा ओ असमय मिथिलाकेँ अनाथ
छोड़ि चलि गेला । जेकर पूर्ति अखैन तक
मिथिलामे नहि भेल अछि । शायद अखन किछु समय
लागत । मुदा आब देरि भय रहल अछि ।
मिथिलाकेँ जरुत अछि जे ललित बाबू अवतार लौथ
।

जय मिथिला

2012-02-02T00:59:00.002+05:30

गीत@ प्रभात राय भट्ट

गीत@ प्रभात राय भट्ट

सुन सुन रे सुन पवन पुरबैया

की लेने चल हमरो अप्पन गाम

हमर जन्मभूमि वहि ठाम